گه‌ڕان

Shadow Shadow
سیاسه‌تی

مستەفا چاوڕەش بۆ ناس کورد: کێشەى شەڕە تەقەکە چارەسەر کرا

2021.06.22 - 13:06
App store icon Play store icon Play store icon
مستەفا چاوڕەش بۆ ناس کورد: کێشەى شەڕە تەقەکە چارەسەر کرا

ناس کورد-

مستەفا چاوڕەش فەرماندەى هێزەکانى 70 ى یەکێتى چارەسەرکردنى کێشەى شەڕە تەقەکە" ى شەوى رابردووى راگەیاند کە لەنێوان ئاسایش و هێزێکى پێشمەرگە روویدا.

کەناڵی ناس کورد لە تێلیگرام جۆین بکە   

 

مستەفا چاوڕەش ئەمڕۆ سێشەممە بە "ناس کورد" ى راگەیاند، ئەمڕۆ بەبەشدارى سەرجەم لایەنەکانى ئەو رووداوە، کێشەى شەڕە تەقەکەى شەوى رابردوو چارەسەر کراوە.

 

وتیشى "سەرجەم لایەنەکان بەچارەسەرەکە رازى بوون و کێشەکە رەوانەى دادگا و یاسا دەکرێت"، بەبێ ئەوەى رونکردەوەى زیاتر بدات.

 

درەنگانى شەوى رابردوو لەگەڕەکى سەرچنارى سلێمانى دەنگى تەقەیەکى زۆر بیسترا و بەهۆیەوە چەند کەسێک برینداربوون.  

 

دكتۆر ئومێد عەلی بەڕێوەبەرى نەخۆشخانەى شارى سلێمانى ئەمڕۆ سێشەممە بە پێگەى فەرمى یەکێتى راگەیاند، سەرجەم بریندارەكانی رووداوەكەی شەوی رابردووی گەڕەكی سەرچنار تەندروستیان جێگیرە و مەترسی لەسەر ژیانیان نییە.  

  

وتیشی "لە رووداوەكەدا 10 كەس لە هەردوو هێزی ئاسایش و هێزی  ئاڵتونی بریندار بوون و رەوانەی نەخۆشخانە كراون و چارەسەریان بۆ كراوە".  

  

پێشتر سەرچاوەیەکى تەندروستى بۆ "ناس کورد" باسى لەوەکرد، حەوت لە بریندارەکان رەوانەى نەخۆشخانەى شار کراون و چارەسەرى سەرەتاییان بۆ کراوە، بەشێکیان دواى وەرگرتنى چارەسەر رەوانەى ماڵەوە کراونەتەوە.    

  

وتیشى دوو بریندارى تر دیکە پێشمەرگەن و رەوانەى نەخۆشخانەى شۆڕش کراون.    

  

ناس کورد پەیوەندى بەبەرپرسانى هەردوو نەخۆشخانەکەوە کرد، بەڵام وەڵامى پەیوەندییەکانیان نەدایەوە.    

  

درەنگانى شەوى رابردوو لەگەڕەکى سەرچنارى سلێمانى دەنگى تەقەیەکى زۆر بیسترا و بەهۆیەوە چەند کەسێک برینداربوون.    

  

چەند سەرچاوەیەکى ئاگادار لەرووداوەکە بۆ "ناس کورد" باسیان لەوەکرد، رووداوەکە لەنێوان دوو هێزى ئەمنى و پێشمەرگە روویداوە.    

  

تا ئێستا هێزە ئەمنییەکانى سلێمانى هیچ رونکردنەوەیەکیان لەو بارەیەوە نەداوە.     

  

ناس کورد پەیوەندى بەبەرپرسانى پۆلیس و ئاسایشى سلێمانى یەوە کرد، بەڵام وەڵامى پەیوەندییەکانیان نەدایەوە.