گه‌ڕان

Shadow Shadow
سیاسه‌تی

وردەکاریى

جۆرێکى ترى ڤایرۆسى کۆرۆنا لە هیندستان دەرکەوت 

2021.06.21 - 14:21
App store icon Play store icon Play store icon
جۆرێکى ترى ڤایرۆسى کۆرۆنا لە هیندستان دەرکەوت 

ناس کورد- 

دەسەڵاتدارانى ویلایەتێکى هیندستان ڕایدەگەیەنن، جۆرێکى ترى ڤایرۆسى گۆڕاوى کۆرۆنا بەناوى دەلتا پڵەس بڵاوبووەتەوە و خێرا لەدژى تەشەنەسەندیشى ڕێوشوێن گیراوەتە بەر.

 

کەناڵی ناس کورد لە تێلیگرام جۆین بکە   

 

تابى لاهان بەڕێوەبەرى سەنتەرى توێژینەوەى پزیشکى ویلایەتى ماهاراشتراى هیندى (21ى حوزەیرانى 2021) لەچاوپێکەوتنێکى تەلەفزیۆنیدا ڕایگەیاند، لەشارەکانى مۆمباى و بالگارى و ڕاتناگیرى ڤایرۆسى کۆرۆناى گۆڕاوى دەلتا پڵەسیان ئاشکرا کردووە، ئەوەش دواى وەرگرتنى سامپڵ بۆ شیکارى و چاوەڕوانى ڕاپۆرتى وردەکارییەکانن.

 

ئاماژەى بۆ ئەوەش کردووە، 5 حاڵەتى توشبوون بەو ڤایرۆسە گۆڕاوە نوێییە لەشارى ڕاتناگیرى تۆمارکراوە و لەلاى دوو توشبووشیان هیچ نیشانەیەکى نەخۆشیەکە بەدەرنەکەوتووە، بۆ ڕێگرى کردنیش لەتەشەنە سەندنى ئەو ناوچەیە کە کەناراوە قەدەغەى هاتووچۆى تێدا ڕاگەیەنراوە.

 

لەماوەکانى پێشووشدا لەژمارەیەک لەویلایەتەکانى هیندستان سێ جۆرى ترى ڤایرۆسى گۆڕاوى کۆرۆناى تێدا بەسەختى بڵاوبوویەوە و ئەوەش بووە هۆى بەرزبوونەوەى ئاستى توشبوون و مردن بەپەتاکە لەو وڵاتەدا بەجۆرێک سیستمى تەندروستى هێندستانى دووچارى قەیرانى زۆر کردەوە.