گه‌ڕان

Shadow Shadow
سیاسه‌تی

وردەکاریى

گۆڤارێکى ئەمەریکى: عێراق یەکێکە لەگەورەترین هاوردەکارانی چەک لەسەر ئاستی جیهان

2021.06.20 - 16:31
App store icon Play store icon Play store icon
گۆڤارێکى ئەمەریکى: عێراق یەکێکە لەگەورەترین هاوردەکارانی چەک لەسەر ئاستی جیهان

ناس کورد-

گۆڤارێکی ئەمەریکی ئاشکرای کرد،عێراق لەماوەی پێنج ساڵی ڕابردوودا یەکێک بووە لەو وڵاتانەی کەزۆرترین چەک و کەلوپەلی سەربازی هاوردەکردووە و پلەی یانزەهەمی  بەدەست هێناوە لەسەر ئاستی جیهان.

 

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێکی گۆڤاری "CEOWORLD 2021"ئەمەریکی ( 20ی حوزەیرانی 2021)عێراق یەکێکە لەگەورەترین هاوردەکارانیی چەک لەسەر ئاستی جیهان و لەماوەی پێنج ساڵی ڕابردوودا پلەی یانزەهەمی بووە لەکۆی 40 وڵات کە ڕاپۆرتەکە داتای لەسەر کۆکردوونەتەوە".

 

گۆڤارەکە ئەوەی خستووەتەروو "لەنێوان ساڵاتی 2016 و 2020 وڵاتی سعودیە پلەی یەکەمی بەدەست هێناوە لە 11%ی ئەو بازرگانییەی قەتیس کردووە وڵاتی هیندستان بە پلەی دووەم هاتووە بەڕێژەی 9.5٪ وڵاتی میسریش بەپلەی سێهەم و بەرێژەی 5.8%، هاوکات ئوستورالیا پلەى چوارەمی هەبووە و چین پلەی پێنجەم و وڵاتی جەزائیر پلەی شەشەم و کۆریا باشور پلەی حەوتەم و قەتەر پلەی هەشتەم و وڵاتی ئیمارات بە پلەی نۆیەم و پاکستان بەپلەی دەیەم هاتووە و عێراقیش بە پلەی یانزەهەم هاتووە".

 

گۆڤارەکە ئەوەی ئاشکرا کردووە "عێراق لەماوەی ئەو پێنج ساڵەدا پشکی لەکۆی ئەو بازرگانییە جیهانیەدا 2.5 % بووە کە نزیکەی 41%ی ئەو  چەکانەی کە هاوردەکردووە لەئەمەریکاوە بووە".