گه‌ڕان

Shadow Shadow
سیاسه‌تی

لێدوانی فەرمی لە حکومەتی هەرێمەوە لەبارەی لابردنی لێبڕینی موچە

2021.06.20 - 13:45
App store icon Play store icon Play store icon
لێدوانی فەرمی لە حکومەتی هەرێمەوە لەبارەی لابردنی لێبڕینی موچە

 ناس کورد-

وتەبێژی حکومەتی هەرێمی کوردستان ڕایگەیاند، هیوادارن بەمنزیکانە عێراق بەشە بودجەی هەریمی کوردستان بنێرێت و دڵێت، لەدوای ناردنی بودجەکە پێویستیان بەوەیە زیاتر بەرچاویان ڕوون بێتەوە بۆ ئەوەی بزانن دەتوانن لێبڕینی موچە لابدەن یاخود نا، دەشڵێت، هێشتا دیارنییە ئەم مانگە چۆن موچە دابەش دەکرێت.

کەناڵی ناس کورد لە تێلیگرام جۆین بکە   

 

 

لە هەفتەی ڕابردوودا سەرۆکی حکومەتی هەرێمی کوردستان ڕێککەوتنێکی نێوان هەرێم و بەغدای ڕاگەیاند بۆ ناردنی بڕێک پارە وەک پشکی هەرێم بۆ شەش مانگی ڕابردوو کە بڕەکەی ترلیۆنێک و 200 ملیار دینار بوو، دواتریش ناردنی 200 ملیاری مانگانە، بەڵام تائێستا نە حکومەتی عێراق هیچ شتێکی لەوبارەیەوە وتووە و نە پارەکەشی ناردووە.

 

جوتیار عادل، وتەبێژی حکومەتی هەرێمی کوردستان لە لێدوانێکی ڕۆژنامەوانیدا (یەکشەممە 20ی حوزەیرانی 2021) بە میدیاکانی نزیک لە سەرۆکی حکومەتی ڕاگەیاند، "تائێستا ئەو بڕە پارەیەی کە ئەنجومەنی وەزیرانی عێراق بڕیاری ناردنی لێداوە نەنێردراوە و هیوادارین بەمنزیکانە بینێرن."

 

لە وەڵامی ئەوەی کە ئایا بە هاتنی پارەکە لێبڕینی موچە کۆتایی دێت، وتەبێژی حکومەتی هەرێم ڕایگەیاند، "ئێمە ئێستا چاوەڕێی ناردنی پارەکە دەکەین، دواتر بەپێی ئەو داهاتەی لە بەردەستماندایە و ئەو وردەکارییانەی کە هەیە لە ئەنجومەنی وەزیران بڕیار لەوبارەیەوە دەدرێت، چونکە پێویستمان بە بەرچاوڕوونی زیاترە."

 

ئاماژەی بەوەشکرد، "ئێمە لەگەڵ ئەوەداین کە موچە سەد لە سەد بدرێت، بەڵام ئەو دۆخەی کە دروست بووە وای کردووە بەوشێوەیە موچە دابەش بکرێت، دواتر کاری ئێمە تەنها موچە نییە و زۆر خزمەتگوزاری دیکەی وەک ڕێگاوبان و کارەبا و ئاو بۆ هاووڵاتیان دابین دەکەین کە بەشێکە لە ئەرکی حکومەت."

 

لەبارەی ئەوە دابەشکردنی موچەی ئەم مانگەش بە لێبڕینەوە دەبێت، جوتیار عآدل باسی لەوەکرد، "تائێستا دیارنییە موچەی ئەم مانگە چۆن و بە چ میکانیزمێک دیاریدەکرێت و لە ڕۆژانی داهاتوودا بڕیار لەوبارەیەوە دەدرێت."