گه‌ڕان

Shadow Shadow
سیاسه‌تی

زانیاریی زیاتر

نەتەوە یەکگرتووەکان هۆشدارى لە پەتایەکى جیاواز دەدات

2021.06.19 - 22:18
App store icon Play store icon Play store icon
نەتەوە یەکگرتووەکان هۆشدارى لە پەتایەکى جیاواز دەدات

ناس کورد- 

نەتەوە یەکگرتووەکان هۆشدارى لە پەتایەکى جیاواز دەدات کە زیانى بە یەک لەسەر پێنجى دانیشتووانى جیهان گەیاندووە و 124 ملیار دۆلار زیانى داراییشى هەبووە.

کەناڵی ناس کورد لە تێلیگرام جۆین بکە   

 

نەتەوە یەکگرتووەکان (19ى حوزەیرانى 2021) لە ڕاپۆرتێکدا بڵاویکردووەتەوە، "لەگەڵ گۆڕانى کەشوهەوا کە هۆکارەکەى مرۆڤە، ڕووبەڕووى وشکەساڵییەکى سەخت بووینەتەوە لە چەند ناوچەیەکى جیهان، کە بەشیوەیەکى سروشتى ئاوێکى پێشتر زۆریان هەبووە."

 

ئەوەش هاتووە، کاریگەرییەکانى وشکەساڵى سەختتر دەبێت و پێشبینى ئەوە دەکرێت لە چەند ناوچەیەک بەرەو خراپتر بوون بچێت، بەهۆیەوە لانیکەم 1 ملیار و 500 ملیۆن کەس لە جیهاندا زیانیان پێگەیشتووە لە ماوەى دوو دەیەى ڕابردوودا و زیانى ئابوریى 124 ملیار دۆلاریشى داوە.

 

بەپێى هەمان ڕاپۆرت، هەمیشە جیاوازییەک لەنێوان ئەو ژمارانەى دەوترێت و ژمارەى ڕاستەقینە هەیە، بۆیە دەتوانرێت بوترێت کە ژمارەیەکى کەم وتراوە، ئەوەش سەرەڕاى ئەوەى کە هەڵسەنگاندنى ڕاستییەکان لە دەوڵەتە ئابورییە تازە پێگەیشتووەکاندا بە هەند وەرناگیردرێن.