گه‌ڕان

Shadow Shadow
سیاسه‌تی

وردەکاریی

’’سوپاى تورکیا 17 گوندی پارێزگاى دهۆک بە دانیشتووانەکەیان چۆڵ دەکات’’

2021.06.18 - 17:13
App store icon Play store icon Play store icon
’’سوپاى تورکیا 17 گوندی پارێزگاى دهۆک بە دانیشتووانەکەیان چۆڵ دەکات’’

ناس کورد-

ئەندامێکى ئەنجومەنى پارێزگاى دهۆک ڕایگەیاند، بەهۆى ئۆپراسیۆنەکانى سوپاى تورکیاوە دانیشتووانى 17 گوند ماڵ و حاڵیان بەجێهێشتووە و گەشەى کشتوکاڵیش پەکی کەوتووە.

کەناڵی ناس کورد لە تێلیگرام جۆین بکە   

 

عومەر سورچى، ئەندامى ئەنجومەنى پارێزگاى دهۆک بە ئاژانسی فەرمیی عێراقی ڕاگەیاندووە، بەهۆى ئۆپراسیۆنەکانى سوپاى تورکیاوە دانیشتووانى نزیکەى 17 گوندی سەر بە شارۆچکەى عیمادییە ناچاربوون ماڵ و حاڵیان بەجێبهێڵن.

 

ئاماژەى بۆ ئەوەش کردووە، هەر بەهۆى هێرشى سوپاى تورکیاوە بۆ سەر گەریلاکانى پەکەکە لەو ناوچانە زیانى داراى زۆرى بە سێ گوند  گەیاندووە کە بە 3 ملیار دینار دەخەمڵێنرێت.

 

سورچى باسى لەوەش کردووە، هەر بەهۆى ئەو ئۆپراسیۆنانەوە سەدان جوتیار کێڵگەکانیان بەجێهێشتووە و هێڵەکانى کارەباش لەچەندین گوندى سەربەکانى ماسى و زاخۆ و عیمادییە پچڕاون.

 

سورچى دەشڵێت، بەردەوامبوونى ئەو ئۆپراسیۆنانە کاریگەرى خراپ دەکەنە سەر بەربوومە کشتوکاڵییەکان بەو پێیەى ئەو ناوچەیە بەناوچەیەکى بەرهەمهێنەر و دەوڵەمەندى کشتوکاڵى دادەنرێت.