گه‌ڕان

Shadow Shadow
سیاسه‌تی

وردەکاریى

 بازاڕەكانی جیهان: نەوت داكشا و دۆلار هەڵكشا

2021.06.18 - 14:07
App store icon Play store icon Play store icon
 بازاڕەكانی جیهان: نەوت داكشا و دۆلار هەڵكشا

 ناس کورد-

نرخی نەوتی خاو لەبازاڕەکانی جیهاندا پاشەکشەی کرد و یەک بەرمیل نەوتی برێنت بە 72.63 دۆلار و نەوتی خاوی ئەمەریکاش بە 70.71 دۆلار مامەڵەی پێوەکرا، سێ هۆکاری سەرەکیش بۆ ئەو دابەزینە ئاشکرا کرا.

 

کەناڵی ناس کورد لە تێلیگرام جۆین بکە   

 

میدیا جیهانییەکان (18ی حوزەیرانی 2021) بڵاویان کردەوە "ئەمڕۆ نرخی یەک بەرمیل نەوتی برێنت 45 سەنت دابەزیوە کە رێژەکەی دەکاتە 0.6٪ی نرخەکەی، بەوەش هەر بەرمیلێک لەو جۆرە نەوتە بە 72.63 دۆلار فرۆشرا.

 

ئاماژە بەوەکراوە، نەوتی خاوی ئەمەریکا 33 سەنت هاتووەتە خوارەوە کەڕێژەی دەکاتە 0.5٪ نرخەکەی بەوەش نرخی هەر بەرمیلێک لەو جۆرە نەوتە گەیشتە 70.71 دۆلار".

 

لەبارەی هۆکارەکانی پاشەکشەی نرخی نەوتی خاو لەبازارەکانی جیهان بەراورد بەچەند ڕۆژی رابردوو، ئاژانسەکان ئاماژە بەوە دەکەن، رێکارەکانی بانکی فیدڕاڵیی ئەمەریکا لە پاڵپشتیکردنی زیاتری دۆلار و زیادکردنی رێژەی سو، بەرزبوونەوەی ژمارەى توشبوون بەڤایرۆسی کۆرۆنا لەبەریتانیا بەراورد بە دوایین ئاماری توشبوون لەمانگی شوباتی ڕابردوو و پێشبینییەکانی گەیشتن بەرێککەوتن لەگەڵ ئێران و زیادبوونی بەرهەمی نەوت، سێ هۆکاری سەرەکین بۆ ئەو بابەتە.