گه‌ڕان

Shadow Shadow
سیاسه‌تی

وردەکاریى

د.سەباح هەورامى: کۆمپانیاکان هێنانى دەرمانیان بۆ نەخۆشخانەى هیوا راگرتووە

2021.06.16 - 21:18
App store icon Play store icon Play store icon
د.سەباح هەورامى: کۆمپانیاکان هێنانى دەرمانیان بۆ نەخۆشخانەى هیوا راگرتووە

ناس کورد-

بەڕێوەبەرى گشتى تەندروستى سلێمانى رایگەیاند، هەموو کۆمپانیاکانى دەرمان هێنانى دەرمانیان بۆ نەخۆشخانەى هیوا راگرتووە.

 

کەناڵی ناس کورد لە تێلیگرام جۆین بکە   

 

د.سەباح هەورامى (16ى حوزەیرانى 2021) لەبڵاوکراوەیەکدا ئاماژەى بەوە کرد "شەش مانگە حکومەتی هەرێم پارەی تەرخانکراوی دەرمانی نەخۆشخانەی هیوای سەرف نەکردووە".

 

وتیشى "هەموو کۆمپانیاکانی دەرمان هێنانی دەرمانیان بۆ نەخۆشخانەی هیوا ڕاگرتووە".

 

د.سەباح رونیکردەوە،  هەتا ئەو کاتەی پارەی سلێمانی بەکار دەهات بۆ نەخۆشخانەکانی هەولێر و دهۆک، پارەی دەرمان بە تەواوی دەدرا، بەڵام کاتێک بریاردرا پارەی بانکی سلێمانی  تەنها بۆ نەخۆشخانەکانی سلێمانی بەکاربێت، بریار درا پارەی کۆمپانیاکان بکەنە تەنها (٪٢) ".

 

بەوتەى بەڕێوەبەرى گشتى تەندروستى سلێمانى"نەخۆش هەیە لەم هەفتەیەدا (٢٠) ملیۆن دیناری داوە بە دەرمان بە تەنها بۆ ٢١ ڕۆژ" .

 

جەختیش لەسەر ئەوە دەکاتەوە کە "خێزان هەیە لەم هەفتەیەدا سەیارەکەی فرۆشتووە بۆ دەرمانی شێرپەنجە بەڵام بەشی پێداویستی نەخۆشەکەی نەکردووە".

 

لێدوانەکە لەکاتێکدایە کە بەهۆى خەرج نەکردنى مووچەى بەشێک لە پزیشک و کارمەندانى نەخۆشخانەى هیوا ماوەى چەند ڕۆژێکە خزمەتگوزارییەکانى ئەو نەخۆشخانەیە راگیراوە و بەشێک لە پزیشک و کارمەندانى تەندروستى نەخۆشخانەکە بایکۆتى دەوامیان کردووە.