بەوێنە؛ ئاسایش ژن و مێردێکی ئێرانیی دەستگیر کرد

ناس کورد-

بەڕێوەبەرایەتی ئاسایشی شارەزوور دەستگیرکردنی ژن و مێردێکی ئێرانیی بە سێ پارچە شوێنەوارەوە لە شارۆچکەی تەوێڵە راگەیاند.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی ئاسایشی شارەزوور (سێشەممە 15ی حوزەیرانی 2021) ڕایگەیاند، " بەمەبەستی نه‌هێشتنی دیارده‌  دزێو و نه‌خوازراوه‌كان و ڕێگریكردن به‌ كڕین و فرۆشتنی شوێنه‌وار و مامه‌ڵكردن و هه‌ڵگرتنی به‌هه‌رجۆرێك له‌ جۆره‌كان، هێزه‌كانمان له‌ بنكه‌ی ئاسایشی ته‌وێڵه‌  توانیان دوو تۆمه‌تبار ده‌ستگیر بكه‌ن به‌ (3) پارچه‌ شوێنه‌واره‌وه‌."

 

ئاماژەی بەوەشکردووە، "دوو تۆمه‌تباره‌كه‌ ژن و مێردن و هاووڵاتی ئیرانین و فارسن، بۆ ئه‌و مه‌به‌سته‌ دۆسیيه‌ی لێكۆلینه‌وه‌یان بۆ كراوه‌ته‌وه‌ و لێكۆڵینه‌وه‌ی زیاتریش به‌رده‌وامه‌."