گه‌ڕان

Shadow Shadow
سیاسه‌تی

وردەکاریى

سەرۆک وەزیرانی نوێی ئیسرائیل هەڵوێستی خۆی لە ئێران ڕاگەیاند

2021.06.13 - 22:46
App store icon Play store icon Play store icon
سەرۆک وەزیرانی نوێی ئیسرائیل هەڵوێستی خۆی لە ئێران ڕاگەیاند

ناس کورد-

سەرۆک وەزیرانى نوێى ئیسرائیل هەڵوێستى خۆى لەبەرانبەر ئێران ئاشکرا کرد و رایگەیاند "سیاسەتى وڵاتەکەى بەرامبەر بە ئێران ناگۆڕێت".

 

کەناڵی ناس کورد لە تێلیگرام جۆین بکە   

 

نفتالى بینیت، سەرۆک وەزیرانى نوێى ئیسرائیل (13ى حوزەیرانى 2021) لە وتەیەکدا کە لەبەردەم کنیستى وڵاتەکەى پێشکەشى کرد ئاماژەى بەوە کرد "سیاسەتى ئیسرائیل لەبەرانبەر بە ئێران و هەڵوێستى ئەو وڵاتە لەبەرانبەر بە خاوەندارێتى چەکى ناوەکى لەلایەن ئێرانەوە گۆڕانکاریى بەسەردا نایەت و وەک خۆى دەمێنێتەوە".

 

سەرۆک وەزیرانى نوێى ئیسرائیل جەختى لەسەر ئەوە کردەوە کە ئەو بەردەوامى بە سیاسەتەکانى ناتانیاهۆ دەدات لەبەرانبەر بە ئێران.

 

رەتیشیکردەوە کە بگەڕێنەوە بۆ رێککەوتنى ناوەکى لەگەڵ ئێران و ئەو کارەى بە هەڵەیەک زانى کە سەرلەنوێ شەرعیەت دەدات بە یەکێک لە خراپترین رژێمەکانى سەر گۆى زەوى بۆ خاوەندارێتى چەکى ئەتۆمى.

 

رونیشیکردەوە کە ئەوان رێگە بە ئێران نادەن چەکى ئەتۆمى هەبێت و جەختى لەسەر ئەوە کردەوە کە وڵاتەکەى لایەنێک نییە لە رێککەوتنى ئەتۆمى و پارێزگاریى لە ئازادى تەواوەتى مامەڵەکردن لەگەڵ ئەو وڵاتەدا دەکات.

 

لێدوانەکە لە کاتێکدایە کە کەمێک لەمەوبەر پەرلەمانى ئیسرائیل متمانەى بەخشى بە نافتالى بینیت بۆ پۆستى سەرۆک وەزیرانى نوێ، بەوەش ماوەى 12 ساڵ دەسەڵاتى بنیامین ناتەنیاهۆ لەو پۆستەدا کۆتایی هات.

 

پەرلەمان کەمێک لەمەوبەر هەروەها دەنگیدا بە کابینەى حکومەتى  نوێی ئیسرائیل و لەکۆى 120 دەنگ 60 دەنگى بەدەستهێنا، کە لەلایەن هاوپەیمانێتییەکى نوێوە پێکهێنراوە، بەوەش پارتەکەى ناتەنیاهو لەپێکهێنانى حکومەت دورخرایەوە.

 

نەفتالى بینیت (49 ساڵ) ملیاردێر و خاوەنکارى پێشوو لە بوارى تەکنەلۆژیا لە گۆڕەپانى سیاسی ئیسرائیل ماوەیەک لەمەوبەر کێبڕکێی توندى لەگەڵ بنیامین ناتەنیاهۆى مامۆستاى دەستپێکردو دواجار کورسییەکەى پێ چۆڵکرد. 

 

بینیت پشت بە گوتارێکى ئاینى توندڕەو دەبەستێت و سەرۆکایەتى پارتى "یەمینا" و پشتیوانى کۆمەڵگە نیشتەجێبوونەکان و لەخۆگرتنى بەشێک لە کەرتى غەزە بۆ سەر ئیسرائیل دەکات لەگەڵ سیاسەتى توند بەرانبەر ئێران، ئەوەش بەپێی ئاژانسى فرانس پرێس.   

 

بینیت بڕیاریدا بچێتە پاڵ پارتى موستەقبەل بۆ پێکهێنانى حکومەتێک کە شوێنى حکومەتەکەى ناتەنیاهۆ بگرێتەوە. لەبەرانبەریشدا ناتەنیاهۆ بینیتى تۆمەتبارکرد بەوەى پابەندى بەڵێنەکانى نەبووە و پێکهێنانى حکومەتى لەو شێوەیەى بە "مەترسی" بۆ سەر داهاتووى ئیسرائیل ناوبرد.   

 

بینیت دەبێتە یەکەم سەرۆک وەزیرانى حکومەتێکى راستڕەوى ئاینى توندڕەو لەمێژوى ئیسرائیل دواى وەرگرتنى پێنج پۆستى وەزیرى لەناویاندا وەزارەتى بەرگرى لەساڵى 2020.   

 

بینیت کە بەشێوازى ئەمریکى بە ئینگلیزى قسەدەکات، پێشتر قوتابی ناتەنیاهۆ بوو، بەڵام ئێستا رەخنە لە حکومەت دەگرێت.   

 

سەرەڕاى ئەنجامى لاوازى حزبەکەى لەهەڵبژاردنى ئازاردا، بەڵام بینیت لەدانوستانەکانى پێکهێنانى هاوپەیمانیدا بۆ پێکهێنانى حکومەت بووە ناوێکى دیار.   

 

بینیت دەڵێت شارەزاییەکەى رێگەى پێدەدات ببێتە ئەو پیاوەى کە چارەسەرى ئابورى ئیسرائیل دەکات دواى کاریگەرییەکانى پەتاى کۆرۆنا. لەبانگەشەى هەڵبژاردندا بینیت پێششنیازى نمونەى سەنگافورەى کرد بۆ وڵاتەکەى کە پشت بە کەمکردەوەى باج و بیرۆکراتیەت دەبەستێت.   

 

ئەو کە پێشتر سەرباز بووە لەیەک تایبەتییەکان، بەشێک بوو حکومەتەکەى نانەتیاهو کە ساڵى 2018 شکستى هێنا، لەماوەى نێوان ساڵانى 2013 -2020 پێنج پۆستى وەزیرى وەرگرتووە.   

 

سەرەڕاى پێشینە ئاینیە توندڕەوەکەى، بینیت رێگر نییە لەتەوقەکردن لەگەڵ ژنان و وروژاندنى پرسی شوێنى ئاین لەدەوڵەت و بیروڕایەکى لیبراڵیانەى هەیە بۆ پرسەکان.