گه‌ڕان

Shadow Shadow
سیاسه‌تی

وردەکاریى

سعودیە مەرجى بەجێهێنانى حەجى ئەمساڵى دیارى کرد 

2021.06.13 - 17:01
App store icon Play store icon Play store icon
سعودیە مەرجى بەجێهێنانى حەجى ئەمساڵى دیارى کرد 

ناس کورد- 

وەزارەتى حەج و عومرەى سعودیە میکانیزمەکانى تۆمارکردنى ناوى حاجییانى لەڕێگەى ئەلیکترۆنى و مەرجەکانى ئەنجامدانى حەجکردنى ئەمساڵ ئاشکرا کرد.

 

کەناڵی ناس کورد لە تێلیگرام جۆین بکە   

 

وەزارەتى حەج و عومرەى سعودیە (13ى حوزەیرانى 2021) لەڕاگەیەنراوێکدا ئاماژەى بۆ ئەوە کرد، تۆمارکردنى ناوەکان لەڕێگەى بەستەرێکى ئەلیکترۆنیەوە دەبێت بۆ حاجییە ناوخۆییەکان لەگەڵ پابەندبوون بەچەند مەرجێکەوە لەوانە دەبێت تەمەنى حاجییان لە 18 بۆ 65 ساڵ بێت هەروەها هەردوو ژەمە ڤاکسینەکەى کوتا بێت یاخود پەتاکە بەریدابێت و هەروەها هیچ نەخۆشییەکى درێژخایەنیشى لەگەڵدا نەبێت.

 

ئەوەش خراوەتە ڕوو، وەزارەتى حەج و عومرەى سعودیە ناوى ئەو هاوڵاتیانەى سعودیە لەناوخۆى وڵاتەوە تۆمار دەکات کە لەماوەى 5 ساڵى ڕابردوودا حەجیان نەکردووە و هەروەها ئەوانەش دەتوانن ناوى خۆیان تۆمار بکەن کە بەتەنها بێن و ئافرەتانیش ئەو مافەیان هەیە.

 

وەزارەتى حەج و عومرە باسى لەوەش کردووە، جیاکردنەوەى ناوەکە لەسەر بنەماى پێوەرە تەندروستى و ڕێنماییەکان دەبێت و یەکەمین بایەخیش دەدرێتە ئەوانەى کە پێشتر ئەو ڕێوڕەسمە ئاینیەیان ئەنجام نەداوە هەروەها ڕەچاوى تەمەنەکانیش دەکرێت.