گه‌ڕان

Shadow Shadow
سیاسه‌تی

نرخی نەوت

وەزیری نەوتی عێراق پێشبینییەکی نوێ بۆ نرخی نەوت دەکات

2021.06.13 - 08:59
App store icon Play store icon Play store icon
وەزیری نەوتی عێراق پێشبینییەکی نوێ بۆ نرخی نەوت دەکات

ناس کورد-

وەزیری نەوتی عێراق ڕایگەیاند، پێشبینی ناکەن نرخی نەوتی خاو لە نیوەی دووەمی ئەمساڵدا لە 75 دۆلار زیاتر بچێتە سەرەوە و لە 68 دۆلاریش کەمتر بێتەوە.

کەناڵی ناس کورد لە تێلیگرام جۆین بکە   

 

ئیحسان عەبدولجەبار لە کۆنگرەیەکی ڕۆژنامەوانیدا (13ی حوزەیرانی 2021) وتی، ئەو نرخەی ئێستا هەیە بەهۆی پابەندبوونی وڵاتانی ئۆپێک و هاوپەیمانەکانیەتی بۆ کەمکردنەوەى بڕی بەرهەمهێنان.

 

ڕۆژی هەینی، نرخی نەوتی خاو بەرزترین ئاستی تۆمار کرد لەماوەى چەند ساڵی ڕابردوودا و بۆ سێیەم هەفتە لەسەریەک زیادی کرد، ئەوەش بەهۆی باشتربوونی خواست لەسەری و خێراکردنی هەوڵەکانی پێدانی ڤاکسین لە جیهاندا.

 

بەپێی دواین داتاکان، نرخی یەک بەرمیل نەوتی خاوی برێنت حەوت سەنت زیادی کردووە و گەیشتووەتە 72.59 دۆلار.

 

هاوکات نرخی یەک بەرمیل نەوتی خاوی تەکساس 55 سەنت زیادی کردووە و یەک بەرمیل بە 70.81 دۆلار مامەڵەی پێوە دەکریت.


پێشتر ئاژانسی وزەی نێودەوڵەتی لە ڕاپۆرتی مانگانەى خۆیدا ڕایگەیاند، پێویستە وڵاتانی هەناردەکاری نەوت و هاوپەیمانەکانیان بڕی بەرهەمهێنان زیاد بکەن بۆ پڕکردنەوەی ئەو خواستەی کە لەسەر نەوت دروستبووە بەهۆی باشتربوونی دۆخی کۆرۆنا لە جیهاندا.