گه‌ڕان

Shadow Shadow
سیاسه‌تی

پارتی زۆرترین ئەندام و شیوعی كەمترین

ژمارەی بەرکەوتەی فراکسیۆنەکان لە لیژنەكانی پەرلەمان دیارییکران

2019.03.10 - 14:39
ژمارەی بەرکەوتەی فراکسیۆنەکان لە لیژنەكانی پەرلەمان دیارییکران

 

 

ناس كورد-‏

 

فراکسیۆنی پارتی 69 ئەندامی لیژنەکانی پەرلەمانی بەرکەوت، لیستی ئازادیی حزبی شیوعیش تەنها 2 ئەندامی دەبێت، ئەوەش لەمیانەی کۆبوونەوەی سەرۆک فراکسیۆنەکان و سەرۆکایەتی پەرلەمان.

ئەمڕۆ لە پەرلەمانی کوردستان لە کۆبوونەوەی سەرۆک فراکسیۆنەکان و سەرۆکایەتی پەرلەمان، بەرکەوتەی فراکسیۆنەکان لە لیژنە هەمیشەییەکانی پەرلەمان دیارییکران.

 

سۆران عومەر ئەندامی پەرلەمانی كوردستان لە ‏فراكسیۆنی ‏كۆمەڵ لە كۆنگرەیەكی ‏ڕۆژنامەوانیدا ڕایگەیاند: "لە دانیشتنی ‏ئەمڕۆدا تەنها ‏بریار لەسەر دابەشكاری ئەندامانی ‏فراكسیۆنەكان بەسەر ‏لیژنەكاندا درا، كە بە ‏سیستمی سانتلیگۆ بوو، وەك كۆمەڵیش ‏داوای ‏سەرۆكایەتی لیژنەی دارایی و ‏ئابوری پەرلەمان دەكەین و كاری بۆ ‏دەكەین".‏

 

ژمارەی ئەندامانی فراكسیۆنەكان لە لیژنە هەمیشەییەكانی پەرلەمانی ‏كوردستان ‏بەشێوەیەک دەبێت کە پارتی ‏زۆرترین ئەندامی بەدەکەوێت كە ‏‏69 ئەندامە، یەكێتی ‏‏30 ئەندام، گۆڕان 18 ‏ئەندام، نەوەی ‏نوێ 12 ئەندام، كۆمەڵ 11 ئەندام، یەكگرتوو 8 ‏ئەندام، ‏توركمان 6 ئەندام، ‏مەسیحی 9 ئەندام و ئازادی 2 ئەندام.‏

 

بەڵێن ئیسماعیل ئەندامی فراكسیۆنی گۆڕان لە كۆنگرەیەكی ڕۆژنامەوانیدا ‏ئاماژەی بۆ ئەوە کرد لە کۆبوونەوەکەی ئەمڕۆدا قسە لەسەر ‏سەرۆكایەتی و بڕیاردەری لیژنەكان نەكراوە، "بەڵكو ‏تەنها ‏ئەندامەكان دیاری كران، لە ڕۆژی سێشەممە ‏لە دانیشتنی پەرلەماندا ‏دەنگ ‏لەسەر ئەندامەكان دەدرێت و پاشان سەرۆك و جێگر و ‏بڕیاردەری ‏لیژنەكان ‏دیاری دەكرێن، وەك گۆڕانیش سێ سەرۆكی لیژنەمان ‏دەوێت، كە سیادییەكانی ‏تێدا بێت".‏