گه‌ڕان

Shadow Shadow
سیاسه‌تی

وردەکاریی

ڕۆژنامەنوسێکى هۆڵەندى: وێنەى ئەردۆگان لە تەنیشت وێنەى بارزانییەوە هەڵواسن

2021.06.12 - 19:19
App store icon Play store icon Play store icon
ڕۆژنامەنوسێکى هۆڵەندى: وێنەى ئەردۆگان لە تەنیشت وێنەى بارزانییەوە هەڵواسن

ناس کورد-

یەکێک لەو کەسایاتیانەى کە گوایە لە فڕۆکەخانەى هەوڵێر ڕاگیراون دەڵێت، ئاکەپە کۆنترۆڵى هەرێمى کوردستانى کردووە و پێویستە وێنەى ئەردۆگان لە تەنشیت وێنەى بارزانییەوە هەڵبواسن.

کەناڵی ناس کورد لە تێلیگرام جۆین بکە   

 

فرێدێرایک جێردینگ، ڕۆژنامەنوس و نوسەرى هۆڵەندى کە لەگەڵ ئەو تیمە 21 کەسییەدایە لە فڕۆکەخانەى نێودەوڵەتى هەولێر ڕاگیران (12ى حوزەیرانى 2021) لە تۆڕى کۆمەڵایەتى تویتەر نوسیویەتى، "ئاکەپە کۆنترۆڵى هەرێمى کوردستانى عێراقى کردووە، بە بەرپرسانى هەرێم وتراوە کە پێویستە وێنەى ئەردۆگان لەتەنیشت وێنەکانى بارزانى هەڵبواسن."

 

 

ئەو ڕۆژنامەنوسە سەبارەت بە سەردانەکەشیان ئاماژەى بەوەداوە، وەفێکى کوردى و هاوڕێیانى نێودەوڵەتییە و دەیانەوێت گرژییەکانى نێوان "پارتى بە هاوکارى ئاکەپە" و "پەکەکە" هێور بکەنەوە، دواتر لە پۆستێکى تردا کە لەگەڵ وێنەیەکدا بڵاویکردووەتەوە سەبارەت بە ڕاگرتنیان ئاماژەى بەوەداوە، "زیاتر لە 20 کەسین و براوین بۆ شوێنێک و داواى چاییمان کردووە."

 

فرێدێرایک لە پۆستێکى تردا سەبارەت بە تابلۆیەک لە فڕۆکەخانەى هەولێر کە لێى نوسراوە "با بەیەکەوە شەڕى تیرۆر بکەین" نوسیویەتى، لەسەرەى پشکنینى ڤایرۆسى کۆرۆنا بووین ئەم تابلۆیەم بینى، دڵنیام کە مەبەستیان داعش یاخود شتێکى هاوشێوە نییە، بەڵکو مەبەستیان چالاکوانانى کورد و ئەوانەیە کە لە کوردستان ڕاپۆرتیان لەسەر دەدەن.

 

هەروەها لەکانى گەیشتنە هەرێمى کوردستان لە پۆستێک نوسیویەتى "سڵاو کوردستان، خۆشحاڵم بە گەڕانەوەم، ماوەیەکى زۆرە.."، بەڵام دواتر لە پۆستێکدا نوسیویەتى، دەربڕینى خۆشحاڵیم زوو بوو، ڕاگیراوم و خەریکە دەمگەڕێننەوە بۆ ئەو شوێنەى لێوەى هاتووم.

 

21 کەسایەتى و چالاکوانى کورد و نێودەوڵەتى، بە مەبەستى هێورکردنەوەى گرژیەکانى نێوان پەکەکە و پارتى دیموکراتى کوردستان سەردانى هەولێریان کرد و بڕیار بوو کۆنگرەى ڕۆژنامەوانیش ببەستن، بەڵام لە فڕۆکەخانە ڕاگیران.

 

پێنج کەسایەتی سیاسی و چالاکی باکوری کوردستان و ١٦ چالاکی بیانی لە فڕۆکەخانەی نێودەوڵەتی هەولێر دەستبەسەرکران.