گه‌ڕان

Shadow Shadow
سیاسه‌تی

مەسرور بارزانی و مەکتەبی سیاسی یەکێتی لە کۆبوونەوەدان

2019.06.17 - 12:13
مەسرور بارزانی و مەکتەبی سیاسی یەکێتی لە کۆبوونەوەدان
ناس کورد مەسرور بارزانی، کاندیدی ڕاسپێردراو بۆ پێکهێنانی حکومەت لەگەڵ مەکتەبی سیاسی یەکێتی لە کۆبوونەوەدان. . ئەمڕۆ دووشەممە 17ی حوزەیران، مەسرور بارزانی، بە سەرۆکایەتی شاندێک گەیشتە سلێمانی و لەگەڵ مەکتەبی سیاسی یەکێتی کۆبوویەوە. . شاندی یەکێتی پێکهاتووە لە عیماد ئەحمەد، لاهور شێخ جەنگی، ڕەفعەت عەبدوڵلا، عەدنانی حەمەی میان و لەتیف شێخ عومەر هاوکات شاندی پارتی پێکهاتووە لە مەسرور بارزانی، دڵشاد شەهاب، فرسەت سۆفی، هێمن هەورامی و ئومێد خۆشناو. . کۆبوونەوەکە تایبەتە بە تاوتوێکردنی ناوی کاندیدەکانی یەکێتی بۆ پۆستە وزارییەکانی حکومەت، هاوکات پرسی پارێزگاری کەرکوکیش تەوەرێکی گفتوگۆی نێوان کۆبوونەوەی ئەمڕۆی پارتی و یەکێتی دەبێت. . ئەمە دووەمین کۆبوونەوەی مەسرور بارزانیە لە بارەی پێکهێنانی کابینەکەیەوە ئەنجامی دەدات، دوێنێ یەکشەممە 16ی حوزەیران یەکەم کۆبوونەوەی لەگەڵ مەکتەبی سیاسی پارتی ئەنجامدا. . یەکێتی لە کابینەی نوێی حکومەت، جێگری سەرۆکی حکومەت، جێگری سەرۆکی هەرێم و پێنج وەزارەتی بەردەکەوێت، کە بریتین لە وەزارەتەکانی پێشمەرگە، خوێندنی باڵا، رۆشنبیری، پلاندانان و کشتوکاڵ. . هاوکات بڕیارە هەر ئەمڕۆ مەسرور بارزانی لەگەڵ سۆسیالیست و بزوتنەوەی گۆڕانیش کۆبێتەوە.