ناس کورد-
ئیمانۆیل ماکرۆن، سەرۆکی فەرەنسا، سەبارەت بەو هێرشەى کە دوێنێ گەنجێک لەسەر شەقام کردیە سەرى ڕایگەیاند، ڕووداوەکە روداوێکی کەسی بوو و پرسەکە ئەوەند گەورە نییە و ئەوە ناهێنێت سەرنجی بخرێتە سەر، وتیشی، لەفەرەنسا مافی دەربرینی رای ئازاد ودیموکراسی هەیە، بەڵام ڕێگە نادەین ڕەگەزپەرستان بەملهوڕی و گەمژەیی ئەو دیموکراسییە ناشرین بکەن".
کەناڵی ناس کورد لە تێلیگرام جۆین بکە
ئیمانوێل ماکرۆن (9ی حوزەیرانی 2021)بەمیدیاکانی وڵاتەکەی ڕاگەیاند "رووداوەکە رووداوێکی کەسی بووە و پێویست ناکات سەرنجی زۆری بخرێتە سەر، ئەرکی لەوە گەورەتر و زیاترمان لەسەرشانە جێبەجێی بکەین کە گرنگترە و پەیوەندییان بە ژیانی خەڵکەوە هەیە".
ئاماژەی بەوەش کرد "لەفەرەنسا مافی دەربڕینی رای ئازاد و ئازادی دەنگدان و فرەیی و دیموکراسی هەیە، بەڵام ناکرێت رێگە بدرێت رق و توندوتیژی بڵاوبکرێتەوە چ بە قسە یان بە کردار، ڕێگە نادەین ڕەگەزپەرستان بەملهوڕی وگەمژەیی ئەو دیموکراسییە ناشرین بکەن".
ئەوەشی وتووە "پاش زلـەکە بەردەوام بووم لەتەوقەکردن لەگەڵ ئەو کەسانەی نزیک بوون لەو گەنجەوە و وێنەم لەگەڵ گرتن، من بەردەوام دەبم لەکارەکەم و هیچ شتێک رامناگرێت".
لای خۆشییەوە پۆلیسی فەرەنسا لەبارەی ڕووداوەکەی دوێنێوە ڕایگەیاند "دوو کەس پلانیان بۆ هێرشکردنە سەر سەرۆک دارشتووە، ئەوەی زلەکەی داوە لەماکرۆن ناوی "دامایال تارال"ە و کەسی دووەمیش ناوی "ئارتێر"ه و تەمەنی 28 ساڵە لەکاتی پشکنینی ماڵەکەیدا کتێبەکەی هتلەریان دۆزیوەتەوە بەناوی" خەباتەکەم"ه کەباس لەژیانی خۆی و سەرهەڵدانی "ڕەوتی نازیییەکان دەکات".
دوێنێ (سێشەممە) پاش ئەوەی ئیمانویل ماکرۆن، سەرۆکی فەرەنسا، چووە ناو هاوڵاتیانەوە،گەنجێک پاش ئەوەی تەوقەی لەگەڵدا کرد، زلەیەکی توندی لێدا، ئەوەش کاردانەوەی زۆری بەدوای خۆیدا هێنا.
