ناس کورد-
خالید شوانى، ئەندامى شاندى باڵاى حکومەتى هەرێمى کوردستان رایگەیاند، ئەمڕۆ شاندى حکومەتى هەرێمى کوردستان دەگەڕێتەوە بۆ شارى بەغدا و لەگەڵ وەزارەتی دارایی عێراق کۆدەبێتەوە.
کەناڵی ناس کورد لە تێلیگرام جۆین بکە
خالید شوانی، ئەندامی شاندی باڵای حکومەتی هەرێمی کوردستان و وەزیری هەرێم بۆ کاروباری بەغدا (دووشەممە 7ی حوزەیرانی 2021) بە تەلەفزیۆنی ڕووداوی ڕاگەیاند، شاندی باڵای حکومەتی هەرێم بەپەلە دەچێتەوە بەغدا و ئێوارەی ئەمڕۆ لەگەڵ وەزارەتی دارایی عێراقی کۆدەبێتەوە."
وتیشی، مەبەست لە سەردانەکە بۆ ئەوەیە هەردوولا بگەنە ڕێککەوتن بۆ دیاریکردنی میکانیزمی جێبەجێکردنی ڕێککەوتنی هەرێم و بەغدا و هەوڵەکانمان بۆ ئەوەیە بتوانین شایستە داراییەکانی هەرێم دەستەبەر بکەین."
خالید ئاماژەی بەوەشکرد، "لە ڕابردوودا چەندین جار هەرێم پابەندبوونی خۆی بە ڕێککەوتنەکە دووپات کردووەتەوە، سەردانەکەی هەفتەی ڕابردووش گتفوگۆکانی زیاتر بردە پێشەوە و لەڕووی سیاسییەوە ئێمە ڕێککەوتنمان کردووە و بەربەسی سیاسیی بوونی نییە، چونەکەمان بۆ ئەوەیە کە رێگەی تەکنیکی جێبەجێکردنی ڕێککەوتنەکە."
