گه‌ڕان

Shadow Shadow
سیاسه‌تی

ڤیدیۆکە ببینە

بەڤیدیۆ؛ دیمەنێکی نوێی ئەو ئۆتۆمبێلەی هێزەکانی پێشمەرگەی تێدا بوو ببینە

2021.06.05 - 18:16
App store icon Play store icon Play store icon

ناس کورد- 

دیمەنێکی نوێی ئەو ئۆتۆمبێلەی وەزارەتی پێشمەرگە بڵاوکرایەوە کە لە سنوری قەزای ئامێدی کرایە ئامانج و پێشمەرگەی تێدا کوژرا. 

کەناڵی ناس کورد لە تێلیگرام جۆین بکە   

 

وەزارەتی پێشمەرگە لە ڕاگەیەنراوێکدا ڕایگەیاند، بەرەبەیانی ئەمڕۆ (5ی حوزەیرانی 2021)، هێزێکی پێشمەرگە لەکاتی ئەنجامدانی ئەرکێکی سەربازی لەچیای مەتینی قەزای ئامێدی، بەمەبەستی پاراستنی خەڵک و گوندەکانی ئەم ناوچەیە و گەڕاندنەوەی ئاسایش بۆ دەڤەرەکە، لەلایەن هێزێکی (پ ک ک)ەوە بۆسەیەکیان بۆ دانراوە، لە ئەنجامدا پێنج پێشمەرگە شەهید بوون دوو پێشمەرگەی تریش برینداربوون."

 

لە بەرامبەردا ڕاگەیەنراوێکدا فەرماندەیی مەیدانی خابوری هەرێمی مەتینای هەپەگە وردکاری ڕووداوەکەی بڵاوکردەوە و ڕایگەیاند، ئەو هێزەی پێشمەرگە هێرشیان کردووەتەسەریان و لە ڕێگەدا بەهۆی تەقینەوەیەک کە هۆکارەکەی نازانرێت ئەو ڕووداوە ڕوویداوە.   

 

لە ڕاگەیەندراوەکەدا ئەو فەرماندەییە (شەممە 5ی حوزەیرانی 2021) ڕایگەیاندووە، " ئەمڕۆ کاتژمێر  4:00ی  بەیانی، هێزەکانی سەربە پارتی، لە دوولاوە هێرشیان کردە سەر دۆڵێک لەنێوان گردی چارچلا و گردی جولەمێرگ، کە خاڵێکی ستراتیژیی مەتینایە، بۆ ئەوەی ئەو هێرشە کە 50 زرێپۆش تێدا بەشداربوون، نەیەتە ناو دۆڵەکەوە، هێزەکانمان بە چەکی سووک تەقەی ئاسمانییان کرد، بەڵام ئەو هێزانە بێ گوێدانە هۆشدارییەکانمان، هێرشبەرانە بەرەو پێشهاتن."  

  

ئاماژەی بەوەشکردووە، " ئەو دۆڵە هیچ گوند و شوێنێکی نیشتەجێیبوونی تێدا نییە، 25 ساڵە هێزی پێشمەرگە نەهاتووەتە ئەم مەیدانە و هێزەکانی گەریلای تێدان و لەدژی سوپای داگیرکەری تورک مینڕێژکراوە، سەرەڕای ئەوەی ئەمانەیان زانیوە و هۆشدارییشیان پێدرا، بەڵام یەک دوو ئۆتۆمبێلیان بەردەوام بەرەوە پێش دەهاتن، بەهۆی تەقینەوەیەک کە هۆکارەکەی نازاندرێت، چەند قوربانیی لێکەوتەوە، ئەم ئەنجامە خواستی ئێمە نەبوو و دڵی مرۆڤ دەئیشێنێت، بەڵام بەرپرسیارێتیی ئەم ڕووداوە لە ئەستۆی ئێمە نییە، بەرپرسیارێتی ڕووداوەکە لەسەر ئەوانەیە کە هێزەکەیان جوڵاندووە."  

  

هاوکات، وتەبێژی حکومەتی هەرێمی کوردستان لەسەر ڕووداوەکە ڕاگەیەنراوێکی بڵاوکردەوە و ڕایگەیاند، ھێرشەکەی پەکەکە بە توندی شەرمەزار دەکات و چیتر خەڵک و هەرێمی کوردستان رێگە نادەن ببنە قوربانی سیاسەتی چەوتیان.