گه‌ڕان

Shadow Shadow
سیاسه‌تی

وردەکاریی

ئێران؛ زیاتر لە 500 کەس دەستگیرکران کە ڤاکسینی ساختەیان فرۆشتووە

2021.06.05 - 14:07
App store icon Play store icon Play store icon
ئێران؛ زیاتر لە 500 کەس دەستگیرکران کە ڤاکسینی ساختەیان فرۆشتووە

ناس کورد-

دەسەڵاتدارانى ئێرانى ڕایانگەیاند، دوێنێ هەینی زیاتر لە 500 کەسیان دەستگیرکردووە کە ڤاکسینی ساختەیان بەناوى ڤاکسینی ڤایرۆسی کۆرۆنا بە خەڵک فرۆشتووە. 

کەناڵی ناس کورد لە تێلیگرام جۆین بکە   

 

جەنەراڵ وەحید مەجید، سەرۆکى پۆلیسى ئەلیکترۆنى ئێرانى کە سەر بە وەزارەتى ناوخۆیە لە کۆنگرەیەکى ڕۆژنامەوانیدا وتى، "هێزەکانى پۆلیس زیاتر لە 500 کەسیان دەستگیرکردووە."

 

ئاماژەى بەوەش کردوە، بەشێک لەو دەستگیرکراوانە ژنن.

 

هاوکات وەزارەتى تەندروستیی ئێران ڕایگەیاند، "ژمارەى ئەو کەسانەى پێکوتەکەیان وەرگرتووە لە تەوای وڵاتدا گەیشتووەتە چوار ملیۆن و 693 هەزار کەس".

 

سیما سادات، وتەبێژى وەزارەتى تەندروستىی وتیشی کە 155حاڵەتى مردن و نۆ هەزار و 209 توشبووی نوێ لە ماوەى 24 کاتژمێری ڕابردوودا تۆمارکراون.

 

ئامارەکان دەریدەخەن کە "کۆى توشبووان بە پەتاکە ملیۆنێک و 954 هەزار حاڵەتە، لەگەڵ بەرزبوونەوەى ڕێژەى مردن بۆ 80 هەزار و 813 کەس.