گه‌ڕان

Shadow Shadow
سیاسه‌تی

چەند میوەیەک بۆ دابەزینى فشاری خوێن سودبەخشن

2021.06.04 - 15:50
App store icon Play store icon Play store icon
چەند میوەیەک بۆ دابەزینى فشاری خوێن سودبەخشن

ناس کورد- 

بەگوێرەی توێژینەوەیەک کە لەلایەن گۆڤارى "NHS"ی  ئەمەریکییەوە ئامادەکراوە، زۆربوونى خوێ لەچێشتدا دەبێتە هۆى بەرزبوونەوەى فشاری خوێن و بۆ ڕاگرتنى هاوسەنگیش کۆمەڵێک میوە لەوانە مۆز و فراولە و ئەڤۆگادۆ سودبەخشن.

کەناڵی ناس کورد لە تێلیگرام جۆین بکە   

 

لە توێژینەوەکەدا هاتووە، بەبەکارهێنانى سۆدیۆم (لە نمونەى خوێ) فشارى خوێن زیاد دەکات، بەڵام مۆز پێکهاتەى پۆتاسیۆمى تێدایە و ئەوەش کانزایەکە دەتوانێت بەرەنگارى ئاستى خوێ لەجەستەدا ببێتەوە، بۆیە ئەوەش گرنگە بخرێتە سەر سیستمى خۆراکى.

 

هەر لەئەنجامى توێژینەوەکەدا کە 110 هەزار کەس وەکو سامپڵ وەرگیراون، ئەوانەى بەزۆرى میوەکانى ئەڤۆگادۆ و فراولە و ترێ دەخۆن، مەترسى کەمتریان بەتوشبوون بەبەرزبوونەوەى فشاری خۆێن هەیە ئەوەش  بەڕێژەى لە 8%.

 

ئەوەش خراوەتەڕوو، ئەڤۆکادۆ پێکهاتەى دژە ئۆکسیدێکى تیدایە کە بە ئەنسۆسیانین ناسراوە و سودى بۆ دابەزاندنى فشاری خوێن هەیە.

 

چارەسەرێکى تریش کە پێشنیار کراوە، سنوردانانە بۆ خوێ و مادە کحولییەکان و کافایین و هەروەها ئەنجامدانى وەرزش و کەمکردنەوەى کێش و جگەرە نەکێشان.