کەناڵی ناس کورد لە تێلیگرام جۆین بکە
ناس کورد - هەڤاڵ فەتاح بەپێی زانیارییەکانى ناس کورد، ڕۆژی پێنجەشەممەى ڕابروو، 13ی حوزەیرانی 2019، فەرمانی دەستگیرکردن بۆ ڕاکان جبوری، پارێزگاری کەرکوک بە وەکالەت دەرچووە بەڵام هێشتا دەستگیرنەکراوە و ماوەى چوار ڕۆژە لە بەغدایە. سەرچاوەیەکى ئاگادار بە ناس کوردی وت، "ڕاکان جبوری لەسەر سکاڵای دیلان غەفور، پەرلەمانتاری یەکێتى لە بەغدا بووە." . ئەو سەرچاوەیە وتیشی، "سکاڵاکەى دیلان غەفور لەسەر خستنەلای نزیکەى 900 ملیۆن دینار بووە کە لەلایەن حکومەتى عێراقییەوە دانراوە بۆ نۆژەنکردنەوەی ناوچە زەرەرمەندەکانى شەڕی داعش، بەڵام پارێزگاری کەرکوک لە میوانداریی و دیوەخانە تایبەتەکەیدا خەرجی کردووە." ناس کورد پەیوەندی بە دیلان غەفورەوە کرد بەڵام ئامادە نەبوو هیچ لێدوانێک لەو بارەوە بدات بەبێ ئەوەى زانیارییەکان ڕەتبکاتەوە.
