گه‌ڕان

Shadow Shadow
سیاسه‌تی

وردەکاریی

بانكی نێودەوڵەتی زەنگی مەترسی لە عێراق لێدەدات

2021.06.03 - 22:02
App store icon Play store icon Play store icon
بانكی نێودەوڵەتی زەنگی مەترسی لە عێراق لێدەدات

ناس کورد- 

وتەبێژى وەزارەتى پلاندانى عێراق ڕایدەگەیەنێت، هێشتا ئامارێک بۆ زیانەکانى پەتاى کۆرۆنا لەبەردەستدا نیە، هاوکات بانکى ناوەندیش هۆشدارى ئەوە دەدات 5 ملیۆن هاوڵاتى عێراقى لەژێر مەترسییەکانى هەژاریدان.

کەناڵی ناس کورد لە تێلیگرام جۆین بکە   

 

عەبدولزهرە هنداوى وتەبێژى وەزارەتى پلاندانانى عێڕاق لەلێدوانێکیدا بۆ ئاژانسى هەواڵى عێراق (3ى حوزەیرانى 2021) ڕایگەیاندووە، خەمڵاندنەکان بۆ قەبارەى زیانەکان بەهۆى پەتاى کۆرۆناوە هێشتا بەردەست نیە بەڵام کاریگەرییەکانى بەسەختى بەسەر کەرتى تایبەتدا دیارە و هەروەها هۆکارێک بووە بۆ داکشانى ئابوورى لەسەرتاسەرى جیهاندا نەک تەنها لەعێراقدا.

 

هنداوى ئاماژەى بۆ ئەوەش کردووە، زیانمەندى یەکەم کەرتى تایبەتە بەهۆى ڕاگرتنى زۆر لەکارەکانیانەوە بەتایبەت لەئانوساتى سەرهەڵدانى یەکەم شەپۆلى پەتاکەدا لەساڵى 2020 و ئەوەش بووە هۆى داکشان و بەرزبوونەوەى ڕێژەى هەژارى لەوڵاتتدا لە 20 ەوە بۆ 30% هەر لەو ساڵەدا.

 

وتەبێژى وەزارەتى پلاندانان باسى لەوەش کردووە، لەشەپۆلى دووەمى پەتاکەشدا ڕێژەى هەژارى کەمێک دابەزیووە و گەیشتووەتە 26.5% و ئەوەش لەئەنجامى دەستپێکردنەوەى ژیانى ئاسایى کەمکردنەوەى ڕێکارى قەدەغە کردن کە بەبۆنەى پەتاکەوە گیردرابوونە بەر.

 

لاى خۆشیەوە، وائیل مەنسوڕ ئابووریناسى پێشکەوتوو لەبانکى دراوى نێو دەوڵەتى ڕایگەیاندووە، پەتاى کۆرۆنا و دابەزینى نرخەکانى نەوت کاریگەرى لەسەر ڕێژەى هەژارى و بەرزکردنەوەى لە 7 خاڵەوە بۆ 10 خاڵ لەئاستەکەى واتا لە 2 ملیۆن و 700 هەزارەوە لەئێستادا 5 ملیۆن هاوڵاتى عێراقى لەژێر هەڕەشەى هەژاریدان.

 

جەختى لەسەر ئەوەش کردووەتەوە، بانکى نێودەوڵەتى داکشانى ئابوورى عێراقى بەڕێژەى 10.3% لەساڵى ڕابردوودا خەمڵاندووە، ئەوەش بەهۆى داکشانى بەرهەمهێنانى نەوت دواى ڕێکەوتنەکەى ئۆپێک و هەروەها کاریگەرى پەتاکە کە لێکەوتەى لەسەر خزمەتگوزارییەکان تا ڕادەى سێیەکێ لەسەر ئابوورى بەجێهێشتووە.

 

هاوکات مستەفا ئەکرەم حەنتۆش، شارەزاى ئابوورى ڕایگەیاندووە، نەبوونى پلانى سەرکەوتوو بۆ چارەسەرکردنى کێشەى هەژارى دەبێتە هۆى زیادبوونى ڕێژەکەى و عێراقیش تادێت ژمارەى دانیشتوانەکەى زیاتر دەبێت و هیچ پلانێکى نیشتیمانى وەبەرهێنانیش نیە ئەوەش مەترسیەکان زیاتر دەکات.