گه‌ڕان

Shadow Shadow
سیاسه‌تی

وتەبێژی پارتی: پێکهێنانی حکومەت پەیوەندی بە کێشەی پارێزگاری کەرکوکەوە نییە

2019.06.16 - 13:33
App store icon Play store icon Play store icon
وتەبێژی پارتی: پێکهێنانی حکومەت پەیوەندی بە کێشەی پارێزگاری کەرکوکەوە نییە

کەناڵی ناس کورد لە تێلیگرام جۆین بکە   

ناس کورد وتەبێژی پارتی دیموکرات، ئەمڕۆ یەکشەممە 16ی حوزەیرانی 2019 ڕایگەیاند، پۆستی پارێزگاری کەرکوک پەیوەندی بە پێکهێنانی کابینەی نوێوە نییە. . لەدوای کۆبوونەوەی مەسرور بارزانی لەگەڵ مەکتەبی سیاسی پارتی، مەحمود محەمەد، وتەبێژی پارتی لە کۆنگرەیەکی رۆژنامەوانیدا ڕایگەیاند، لە چەند رۆژی داهاتوودا مەسرور بارزانی گفتوگۆکانی لەگەڵ یەکێتی و گۆڕان دەستپێدەکات تایبەت بۆ پێکهێنانی کابینەکەی. . سەبارەت بە پۆستی پارێزگاری کەرکوک کە یەکێتی بەستوویەتیەوە بە پێکهێنانی کابینەی نوێی حکومەت، وتەبێژی پارتی وتی: دانانی پارێزگاری کەرکوک پەیوەندی بە پێكھێنانی حكوومەتەوە نییە و هەموو بابەتەکان لێک جیاکراونەتەوە. . مەحمود محەمەد ئاماژەی بەوەشکرد: "ئاسایی كردنەوەی دۆخی كەركووك و دانانی پارێزگارێك بۆ شارەكە لەدەست سەرۆك مەسعود بارزانی و كاك كۆسرەت دەبێت." . ئەمە لەکاتێکدایە، بەرپرسانی یەکێتی چەندین جار ئاماژەیان بەوە کردووە، لە ڕێککەوتنیان لەگەڵ پارتی جەختیان لەوە کردووەتەوە هاوتەریب لەگەڵ پێکهێنانی کابینەی نوێی حکومەتی هەرێم کێشەی کەرکوکیش چارەسەر بکرێت. . لەسەر بڕیاری مەکتەبی سیاسی یەکێتی،فراکسیۆنی سەوز لە کاتی دەنگدان بە سەرۆکی هەرێم بایکۆتی کۆبوونەوەی پەرلەمانی کوردستانی کرد. .