گه‌ڕان

Shadow Shadow
سیاسه‌تی

دەستپاکى پەرلەمان رونکردنەوە دەدات لەسەر هەڵگرتنى پارێزبەندى لەسەر پەرلەمانتارانى تۆمەتبار بە گەندەڵى 

2021.06.02 - 10:48
App store icon Play store icon Play store icon
دەستپاکى پەرلەمان رونکردنەوە دەدات لەسەر هەڵگرتنى پارێزبەندى لەسەر پەرلەمانتارانى تۆمەتبار بە گەندەڵى 

ناس کورد-

 

لیژنەى دەستپاکى پەرلەمانى عێراق ڕایدەگەیەنێت، هیچ داواکارییەکى یاسایى نییە بۆ هەڵگرتنى پارێزبەندى لەسەر ژمارەیەک لەپەرلەمانتاران کە تۆمەتبارن بەتێوەگلان لەکەیسەکانى گەندەڵى.

 

کەناڵی ناس کورد لە تێلیگرام جۆین بکە   

 

عەبدولئەمیر میاحى بڕیاردەرى لیژنەى دەستپاکى لەپەرلەمانى عێراق (2ى حوزەیرانى 2021) لە چاوپێکەوتنێکى تەلەفزیۆنیدا ڕایگەیاند "هیچ داواکارییەکى دادگا نییە بۆ هەڵگرتنى پارێزبەندى لەسەر هەندێ لەپەرلەمانتاران و چەند ئاماژەیەک بۆ بوونى دۆسیەى گەندەڵى لەدژى ژمارەیەک پەرلەمانتاران هەیە بەتایبەت لەدۆسییەى کارەبادا".

 

ئاماژەى بۆ ئەوەش کردووە، فشارى سیاسى ڕێگرە لە تەواو کردنى لێکۆڵینەوە لەچەند دۆسییەکدا بەتایبەت چەند دۆسیەک لەسەر وەزارەتى پەروەردە.

 

لاى خۆشیەوە، حوسێن عیقابى ئەندامى لیژنەى یاسایى لەپەرلەمانى عێراق ڕایگەیاندووە، بەبەرنامە موڵک و ماڵى گشتى بەهەدەردەدرێت و وڵات گەیەنراوەتە ئەم قەیرانانە بەتایبەتى گەندەڵى زۆر لەگرێبەستە حکومییەکاندا کراوە.

 

باسى لەوەش کردووە، چەند بۆشایەکى یاسایش هەیە بۆ بەرەنگاربوونەوەى گەندەڵى دەبێت چارەسەریان بۆ بدۆزرێتەوە.

 

ماانگى رابردوو دادگاى باڵاى فیدراڵى عێراق ڕێگەى بە دادگاکاندا بێ گەڕانەوە بۆ پەرلەمان، فەرمانى دەستگیرکردنى ئەو پەرلەمانتارانە جێبەجێ بکات کە تۆمەتى بینراویان ئاڕاستەکراوە.  

 

بەپێی راپۆرتێکى رۆژنامەى "ئەلمەدا"، ئەو هەنگاوە ڕێگە خۆش دەکات بۆ دەستگیرکردنى زیاتر لە 20 پەرلەمانتار کە تۆمەتبارن بە گەندەڵى دارایی و ئیداریی بێ گەڕانەوە بۆ پەرلەمان.