ناس کورد-
گرتەیەکى ڤیدیۆى لەناوچەیەکى زۆنگاوى ئوسترالیادا کە پێنج ساڵ پێش ئێستا بڵاوکراوەتەوە و ڕاوچیەک هەوڵى ڕزگار کردنى سەگێک لەژێر دەستى کەنگەرێک دەدات و شەپازلەیەکیشى پیادەکێشت، بەردەوام بینەر بەلاى خۆیدا کێش دەکات و 80 ملیۆن بینەرى تێپەڕاندووە.
کەناڵی ناس کورد لە تێلیگرام جۆین بکە
لەساڵى 2016 ەوە تاوەکو ئێستا گرتەیەکى ڤیدیۆى ئوسترالیى سەرنجى هەزاران بینەر ڕادەکێشێت و تا ئێستا بینەرانى گەیشتووەتە 80 ملیۆن، ئەوە گەرچى کاتى گرتە ڤیدیۆکەش لەچەند چرکەیەک تێناپەڕێت.
لەو دیمەنەدا ڕاوچیەک دەردەکەوێت کە دەیەوێت شەڕ لەگەڵ کەنگەرێکدا بکات ئەویش دواى ئەوەى کەنگەرەکە سەگێگى بەگیرهێناوە و دەستى خستووەتە بیناقاقاى.
لەڤیدیۆکەدا ئەوە دەردەکەوێت کە ڕاوچیەکە دەچێت و سەگەکە لەژێر دەستى کەنگەرەکە ڕزگار دەکات و لەکاردانەوەشدا کەنگەرەکە قەڵس دەبێت و هەوڵى هێرش کردنە سەر ڕاوچیەکە دەدات بۆیە ئەویش شەپازلەیەکیشى پیادەکێشێت.
بەهۆى دەگمەنى ئەو دیمەنى ڕووبەڕووبونەوەوە گرتەى ڤیدیۆیەکە بەبەربڵاوى لەتۆڕە کۆمەڵایەتیەکاندا ئێستاش بڵاو دەکرێتەوە و تا دێت بینەریشى لەیوتیوب زیاد دەکات.
لەژێر ڤیدیۆکە نووسراوە، کۆمەڵێک ڕاوچى لەئوسترالیا کۆبونەوە بۆ یارمەتیدانى گەنجێکى توشبوو بەنەخۆشى شێرپەنجە و بۆ ئەوەى دوا خواستى بەجێبهێنن کە حەزى لەڕاوى بەراز بوو بەسەگ، لەکاتى ڕاوکردنەکەدا یەکێک لەسەگە ڕاهێنراوەکان هەوڵى دەرکردنى بەرازەکان دەدات لەناوچەیەکى زۆنگاو لەوکاتەدا دووچارى کەنگەرێک دەبێت ویخیى دەدات و دەیخاتە ژێر باڵیەوە، دواتر یەکێک لەڕاوچیەکان ترسى هەڵگیرسانى شەڕى نێوان ئاژەڵەکان لەو ناوچەیە دایدەگرێت بۆیە دەیەوێت هێرش بکاتە سەر کەنگەرەکە و سەگەکەش ڕزگار بکات، کاتێکیش هەوڵى کاردانەوە دەدات شەپازلەیەکى پیادەکێشێت.
