گه‌ڕان

Shadow Shadow
سیاسه‌تی

بەپەلە

یەکەم توشبووى پەتاى کەڕووى رەش لە سلێمانى گیانى لەدەستدا

2021.06.01 - 15:00
App store icon Play store icon Play store icon
یەکەم توشبووى پەتاى کەڕووى رەش لە سلێمانى گیانى لەدەستدا

ناس کورد-

تەندروستى سلێمانى گیان لەدەستدانى یەکەم توشبووى پەتاى کەڕووى رەشى راگەیاند، دواى دوو هەفتە مانەوەى لە نەخۆشخانە.

کەناڵی ناس کورد لە تێلیگرام جۆین بکە   

 

هێرش سەلیم جێگرى بەڕێوەبەرى گشتى تەندروستى سلێمانى ئەمڕۆ سێشەممە بە "ناس کورد" ى راگەیاند، ئەمڕۆ یەکەم توشبووى کەڕووى رەش کە دوو هەفتە بوو لەژێر چارەسەردا بوو بەهۆى وەستانى دڵیەوە گیانى لەدەستدا.

 

وتیشى "توشبووەکە تەمەنى78 ساڵ بوو، جگە کەڕووى رەش، نەخۆشى دڵ و شەکرەى لەگەڵدا بووە، هێشتا دیار نییە بەهۆى کاریگەرى کەڕووى رەشەوە مردووە یاخود نا، بەڵام حاڵەتەکەى سەخت بووە".

 

مانگى رابردوو، توشبوویەکى کۆرۆنا لە سلێمانى دواى چاکبوونەوەى نیشانەکانى کەڕووى ڕەشى لەسەر دەرکەوت کە ماوەیەکە بەشێوەیەکى بەرفراوان لە هیندستان بڵاوبووەتەوە و بە "کوشندە" دادەنرێت.

 

کەڕووى ڕەش.. پەتا ’’کوشندەکەى هيندستان’’ گەیشتە سلێمانى

 

کەڕووى ڕەش بە یەکێکە لە ماکەکانى کۆرۆنا دادەنرێت، ئەو توشبووانەى بەرگرى لەشیان زۆر لاوازە و نەخۆشى درێژخایەنیان هەیە دواى چاکبوونەوەیان ئەگەر هەیە توشى کەڕووى ڕەش بن.  

  

بەوتەى پزیشکان، کەڕووى ڕەش کار لەسەر سنگى نەخۆشەکە دەکات و بەپشکنینى تیشکى و نیشانەکانى دەدۆزرێتەوە، بەڵام ناگوازرێتەوە لەکەسێکى ترەوە بۆ کەسێکى تر، ئەو جۆرە ماکە لە هەموو ڤایرۆسێکدا ئەگەر هەیە رووبدات.  

 

پەتاى "کەڕووى ڕەش" بەهۆى چەند بوونەوەرێکەوە دروست دەبێت کە پێیان دەوترێت Mucorales کە لە ڕێگەى هەناسەدان و پێستەوە دەتوانن بچنە جەستەى مرۆڤەوە، بەشێوەیەکى سروشتى لە خۆڵ و ماددەى ئۆرگانى شیبووەوەدا هەن، هەرکاتێکیش چووە ناو جەستەوە دەتوانن گیرفانە هەواییەکانى پشتى لوت و ئێسکى کوڵمەکان نێوان چاوەکان و ددانەکان تووش بکەن.