گه‌ڕان

Shadow Shadow
سیاسه‌تی

لە چوار مانگدا 76 منداڵى توشبووى شێرپەنجە لە سلێمانى تۆمارکراون

2021.06.01 - 11:30
App store icon Play store icon Play store icon
لە چوار مانگدا  76 منداڵى توشبووى شێرپەنجە لە سلێمانى تۆمارکراون

ناس کورد-

 

لەماوەى چوار مانگى سەرەتاى ئەمساڵدا 76 منداڵى توشبووى شێرپەنجە لە سلێمانى تۆمارکراون، کە دەکاتە ڕێژەى 7%ى کۆى توشبووانى نوێی ئەو نەخۆشییە.

کەناڵی ناس کورد لە تێلیگرام جۆین بکە   

 

یاد نەقشبەندى بەڕێوەبەرى نەخۆشخانەى هیوا بۆ چارەسەرى توشبووانى شێرپەنجە ئەمڕۆ سێشەممە لە کۆنگرەیەکى رۆژنامەنوسیدا رایگەیاند، لەچوار مانگى ئەمساڵدا هەزار و 31 توشبووى نوێی شێرپەنجە تۆمارکراون، 80%ى دانیشتووى پارێزگاى سلێمانى و هەڵەبجەن، 9%ى دانیشتووى پارێزگاکانى دیکەى هەرێمن، ئەوانەى تر دانیشتووى پارێزگاکانى عێراقن.

 

وتیشى لەو ژمارەیە 76 یان لەخوار 18 ساڵیەوەن، کە دەکاتە 7%ى کۆى توشبووانى شێرپەنجە.

 

نەقشبەندى باسى لەوەشکرد، کێشەى نەبوون و کەمى دەرمانیان هەیە و %2 پارە دەدرێت بەو کۆمپانیایانەى دەرمان بۆ نەخۆشخانەى هیوا دابین دەکەن، بۆیە ئێستا ئامادەنین دەرمانیان پێ بفرۆشن.

 

ئەوەشى خستەڕوو، نەخۆش هەیە خۆى پارەى پەیدا کردووە بەڵام هیچ کۆمپانیایەک دەرمانى پێ نافرۆشێت و داواى دابینکردنى شایستە داراییەکانیان دەکەن.

 

بەوتەى یاد نەقشبەندى، تەندروستى سلێمانى لەگەڵ وەزیرى دارایی قسەیکردووە لەو بارەیەوە و بەڵێنیداوە دواى گەڕانەوەى لەبەغدا ئەو پرسە چارەسەر بکرێت.