گه‌ڕان

Shadow Shadow
سیاسه‌تی

حوزەیرانێکی جیاواز دەبێت

سەرچاوە کەشناسییەکان وادەی هاتنی تۆپەڵە هەوایەکی فێنک ئاشکرا دەکەن

2021.05.31 - 15:31
App store icon Play store icon Play store icon
سەرچاوە کەشناسییەکان وادەی هاتنی تۆپەڵە هەوایەکی فێنک ئاشکرا دەکەن

ناس کورد- 

کەشناسێکى عێراقى پێشبینی دەکات، مانگى حوزەیرانى ئەمساڵ کەشوهەوایەکى جیاوازترى لەساڵانى ڕابردوو هەبێت و دەڵێت، لەڕۆژى چوارشەممەی ئەم هەفتەیەوە تا هەینى کەشوهەوا فێنک دەبێت و پلەکانى گەرماش دادەبەزن.

کەناڵی ناس کورد لە تێلیگرام جۆین بکە   

 

لەڕاگەیەنراوێکدا، محمەد دوورى، کەشناسى عێراقى (دووشەممە 31ی ئایاری 2021) ڕایگەیاند، لە ڕۆژى چوارشەممە 2ی حوزەیرانەوە لە چەند ناوچەیەکى باکور و خۆرئاوا و ناوەڕاست پلەکانى گەرما دادەبەزن، ئەوەش بەهۆى هەڵکردنى بایەکى فێنک کە چەقەکەى تورکیا دەبێت و لەگەڵ ئەوەشدا نزمە پاڵەپەستۆیەک لەگەڵ خۆیدا دەهێنیت.

 

ئاماژەى بۆ ئەوەش کردووە، بەهۆى دابەزینى پلەکانى گەرماوە بۆ ڕۆژى چوارشەممە مانگى حوزەیران تا ڕۆژى هەینى پلەکانى گەرما بەم شێوەیە دەبێت: 

 

ناوچەکانى باکور لەنێوان: 34 بۆ 38 پلە

ناوچەکانى باشور لەنێوان: 42 بۆ 48 پلە

ناوچەکانى خۆرئاواى وڵات لەنێوان 33 بۆ 39 پلە.

 

باسى لەوەش کردووە، کەشوهەوا ئاسایى دەبێت و هیچ شەپۆلێکى گەرما چاوەڕێ ناکرێت کە لەلایەن هەندێک دەزگاوە بڵاوکراوەتەوە.

 

ئەو کەشناسە باسى لەوەش کردووە، مانگى حوزەیرانى ئەمساڵ جیاواز دەبێت لە ساڵانی ڕابردوو، بەهۆى نەبوونى کەشى تەم و شەپۆلەکانى گەرماوە کەشوهەوا و پلەکانی گەرمی زۆر بەرز نابن.