گه‌ڕان

Shadow Shadow
سیاسه‌تی

وردەکاریى

ڕاپۆرتێكی لەندەنی: گەمژەییەكانی هەڵكوتانە سەر ناوچەی سەوز لە سودی كازمی بوو

2021.05.31 - 13:05
App store icon Play store icon Play store icon
ڕاپۆرتێكی لەندەنی: گەمژەییەكانی هەڵكوتانە سەر ناوچەی سەوز لە سودی كازمی بوو

ناس کورد-

رۆژنامەی ئەلعەرەب لە زاری پەرلەمانتارێكی عێراقەوە بڵاویكردەوە كە "گەمژەییەكانی هەڵكوتانە سەر ناوچەی سەوز لەبەغدا" سەلماندی ناكرێت هێزەكانی حەشدی شەعبی پاڵپشتی دەوڵەت بن و ئەمەش لەسودی سیاسەتەكانی كازمی بەرامبەر ئەم هێزە شكاوەتەوە.

 

کەناڵی ناس کورد لە تێلیگرام جۆین بکە   

 

رۆژنامە لەندەنییەكە لە ڕاپۆرتێكدا (31 ئایاری 2021) كە "ناس كورد" خوێندنەوەی بۆكردووە باس لەوە دەكات هێرشەكانی وەزیری بەرگری عێراق دژی كازمی دوای ئەوە هاتووە كە سەرۆك وەزیران فەرماندە سەربازییەكانی خۆی ڕاسپاردووە بەئاشكرا ڕەخنە لەچەكی بەرەڵاو دیاردەی چەكداریی نایاسایی بگرن.

 

هەروەها باسی لەوەشكردووە حكومەت سوورە لەسەرە بەرەنگاربوونەوەی چەكی نایاسایی و لەزاری چەند سەرچاوەیەكی سیاسی و پەرلەمانییەوە دەڵێت "حكومەت لە لێكۆڵینەوەی چڕدایە لەبارەی بەرەنگاربوونەوەی گردبوونەوە و نمایشی چەكداری لەداهاتوودا بەتوندترین شێواز".

 

ئەندامێكی ئەنجومەنی نوێنەران بە ڕۆژنامەكەی راگەیاندووە، "گەمژەیی شەوی ترس و هەڵكوتانە سەر ناوچەی سەوز لەلایەن چەكدارنی حەشد، هەمان بۆچوونی پشتڕاستكردەوە كە هێزە چەكدارەكان ناتوانن پاڵپشتی دەوڵەت بن و بەڵكە بارگرانین، ئەمەش لەبەرژەوەندی كازمییە كە بەرەنگاریان دەبێتەوە".

 

جومعە عیناد، وەزیرى بەرگریى عێراق لە چاوپێکەوتنێکى ئێزگەییدا (29ى ئایارى 2021) کە ناس کورد بەدواداچوونى بۆ کردووە جەختیكردەوە "سوپاى عێراق دەتوانێت شەڕى دەوڵەتێک بکات و 40 ئۆتۆمبێل ناتوانێت لە ڕێگەیدا بوەستێت".

 

جومعە عیناد لە بەشێکى ترى قسەکانیدا جەختی لەوەکردووەتەوە، "تەنانەت برا قوڵبادان لە براى خۆى قبوڵ ناکات، وەرەو چیت پێویستە دەتدەمێ بەڵام هاتوویت و هێز پیشان دەدەیت، هێزى تۆ چییە ئاخر؟ ئۆتۆمبێلت هەیە و دۆشکەى لەسەرە ئەوە چى هێزێکە، ناتوانیت دەوڵەت و سوپا بترسێنیت، سوپا تواناى واى هەیە کە دەتوانێت شەڕى دەوڵەتێک بکات، لەوانەیە خەڵک ئەمە نەزانێت، تواناى ئێستاى سوپا لە تواناى سوپاى سەدام حسێن لە ساڵى نەوەدەکات باشترە".