گه‌ڕان

Shadow Shadow
سیاسه‌تی

داوایەک ئاڕاستەى کازمى دەکات

هاوپەیمانێتییەکەى خەنجەر: پارەى پرۆژەکان بۆ پڕوپاگەندەى هەڵبژاردن بەکاردەهێنرێت

2021.05.30 - 23:31
App store icon Play store icon Play store icon
هاوپەیمانێتییەکەى خەنجەر: پارەى پرۆژەکان بۆ پڕوپاگەندەى هەڵبژاردن بەکاردەهێنرێت

ناس کورد-

هاوپەیمانى عەزم ئاماژە بەوە دەدات، پارەى سندوقى ئاوەدانکردنەوەى ناوچە ئازادکراوەکان لە پڕوپاگەندەى هەڵبژاردندا بەکاردەهێنرێت و داواش لە سەرۆک وەزیران دەکات دەستوەردان بکات.

 

کەناڵی ناس کورد لە تێلیگرام جۆین بکە   

 

هاوپەیمانى "عەزم" (30 ئايارى 2021) لە بەیاننامەیەکدا بڵاویکردووەتەوە، بە نیگەرانییەکى زۆرەوە چاودێرى چۆنێتى ئیدارەدانى پرۆژەکانى سندوقى ئاوەدانکردنەوەى ناوچە زیان لێکەوتووەکان دەکەن کە ناشەفافى تێدایە.

 

ڕونیشکراوەتەوە، هەندێک لایەنى سیاسى دیاریکراو خواستى ئەوەیان هەیە و تەنانەت بە ئاشکراش لەسەر کەناڵەکانى ڕاگەیاندن باسى دەکەن کە پارە بۆ پاڵێوراوەکانیان لە سەرجەم ناوچەکان دابین دەکەن، هەندێک لە پرۆژەکان بە سەرپەرشتى ڕاستەوخۆى پەرلەمانتار و پاڵێوراوانى کوتلەکانە، ئەویش بەشێوەیەکى ئاشکرا و ڕاگەیەندراو.

 

ئەو هاوپەیمانییە کە "خەمیس خەنجەر" سەرۆکایەتى دەکات لەبەیاننامەکەدا جەختیلەوەکردووەتەوە، داوا لە سەرۆک وەزیران دەکەن کە هەڵوێستى یەکلاکەرەوەى هەبێت و ڕێگر بێت لەوەى پارەى گەل لە پڕوپاگەندەى هەڵبژاردندا بەکاربهێنرێت و بازرگانى بە پرۆژەکانەوە بکرێت کە پێویست بوو مافێکى هاوڵاتیان بێت نەک پاڵێوراو و حزبەکان.

 

هاوپەیمانى "عەزم" هێماى بۆ ئەوەشکردووە، هیواخوازن کە بەڕێوەبەرى سندوقى ئاوەدانکردنەوەى ناوچە زیان لێکەوتووەکان لەکار دوربخرێتەوە و تیمێکى پیشەیى ئیدارەى پرۆژەکان بدات، ئەویش دوور لە دەستى حزب و هاوپەیمانێتییەکانى هەڵبژاردن، هەروەها پێویستە دابەشکردن و جێبەجێکردنى پرۆژەکان بوەستێنرێن تا ئەو کاتەى ڕەزامەندى لیژنەى دارایى بەدەستدەهێنن.