گه‌ڕان

Shadow Shadow
سیاسه‌تی

بڕی پارەکە چەندە؟

عێراق بەشێک لە پارە بلۆککراوەکانی ئێران دەگێڕێتەوە ئەو وڵاتە

2021.05.29 - 22:35
App store icon Play store icon Play store icon
عێراق بەشێک لە پارە بلۆککراوەکانی ئێران دەگێڕێتەوە ئەو وڵاتە

ناس كورد-

وەزیری وزەی ئێران ڕایگەیاند، عێراق ڕەزامەندی نیشانداوە کە بڕی 125 ملیۆن دۆلار لە پارە بلۆککراوەکانی وڵاتەکەی ڕەوانەی بانکێکی ئەوروپی بکرێت بەمەبەستی کڕینی 16 ملیۆن دۆز لە ڤاکسینی دژە کۆرۆنا.

کەناڵی ناس کورد لە تێلیگرام جۆین بکە   

 

ئاژانسی هەواڵیی  "ڕۆیتەرز" ( 29ی ئایاری 2021) بڵاویکردەوە، ڕەزا ئەردکانیۆم، وەزیری وزەی ئێران بە میدیاکانی وڵاتەکەی وتووە، " عێراق ڕەزامەندی نیشانداوە بڕی 125 ملیۆن دۆلار لە پارە بلۆککراوەکانیی وڵاتەکەی ڕەوانەی بانکێکی ئەوروپی بکات بەمەبەستی کڕینی 16 ملیۆن دۆز لە ڤاکسینی دژە کۆرۆنا.

 

ئاماژە بەوەشکراوە، "پارە ئازادکراوەکانی وڵاتەکەی لە عێراق تەنها بۆ کرێنی ڤاکسینی دژە کۆرۆنا تەرخاندەکرێت و دەدرێت بە پرۆگرامی (کۆفاکس) کە لەلایەن ڕێکخراوی تەندروستیی جیهانییەوە پاڵپشتی دەکرێت".

 

ئاژانسە جیهانییەکە باسی ئەوەشی کردووە، " تائێستا هەواڵی گێڕانەوەی بەشێک لە پارە بلۆککراوەکانی ئێران لە عێراق  لەلایەن بەرپرسانیی ئەوە وڵاتەوە  پشتڕاست نەکراوەتەوە".

 

لەمیانەی بەڕێوەچوونی گفتۆگۆکانی ئەمدواییەی "ڤییەنا" لە نێوان ئێران و وڵاتە ئەوروپییەکان لەبارەی بەرنامە ئەتۆمییەکەیەوە، ئێران داوای کردووە بەشێک لە پارە بلۆککراوەکانی وەربگرێتەوە بەمەبەستی کڕینی ڤاکسینی دژە کۆرۆنا.