ناس کورد-
بەمەبەستی پاراستنی بەرهەمی ناوخۆ و بەروپێشبردنی کەرتی کشتوکاڵیی لە عێراق و هەرێمی کوردستان، وەزیری کشتوکاڵیی عێراق بەسەردانێکی فەرمی گەیشتە هەولێر.
کەناڵی ناس کورد لە تێلیگرام جۆین بکە
وەزارەتی کشتوکاڵی عێراق ( 29ی ئایاری 2021) لەڕاگەیەندراوێکدا کە وێنەیەکی دەست "ناس کورد" کەوتووە، ڕایگەیاند، " محەمەد ئەلخەفاجی، وەزیری کشتوکاڵ و سەرچاوە ئاوییەکانی حکومەتی فیدراڵی بەسەردانێکی فەرمی گەیشتووەتە پارێزگای هەولێر و لەلایەن بێگدرد تاڵەبانی، وەزیری کشتوکاڵ و سەرچاوە ئاوییەکانی حکومەتی هەرێمی کوردستانەوە پێشوازی لێکراوە".
لەڕاگەیەندراوەکەداهاتووە، " مەبەست لە سەردانەکەی وەزیری کشتوکاڵی عێراق بۆ هەرێم، تاوتوێکردنی کێشە هەڵپەسێردراوەکانی نێوان هەردوولایە سەبارەت بەپاراستنی بەرهەمی ناوخۆ و گەشەپێدانی کەرتی کشتوکاڵی لەهەمووعێراق."
ئاماژە بەوەشکراوە، "هەروەها هەردوولا ڕێککەوتن لەبارەی پابەندکردنی دەروازە سنورییەکانی هەرێم بەخشتەی وەرزی بەرهەمە کشتوکاڵییە ناوخۆییەکانی عێراقەوە " .
