گه‌ڕان

Shadow Shadow
سیاسه‌تی

زانیاریی زیاتر

ڕاوێژکارێکى کازمى باس لە ’’دواخستنی هەڵبژاردنەکان’’ دەکات

2021.05.29 - 20:54
App store icon Play store icon Play store icon
ڕاوێژکارێکى کازمى باس لە ’’دواخستنی هەڵبژاردنەکان’’ دەکات

ناس کورد-

ڕاوێژکارێکى مستەفا کازمى سەرۆک وەزیرانى عێراق دەڵێت، قسەو باسەکان لەسەر دواخستنى هەڵبژاردنى داهاتوو تەنها پڕوپاگەندە و بۆچوونە و کۆمسیۆنى هەڵبژاردنەکان پێش کات کەوتووە لە ئامادەکارییەکانى.

کەناڵی ناس کورد لە تێلیگرام جۆین بکە   

 

عەبدولحسێن هنداوى، ڕاوێژکارى سەرۆک وەزیرانى عێراق بۆ کاروبارى هەڵبژاردن (29ى ئایارى 2021) بە ئاژانسى هەواڵى فەرمى عێراقییەى ڕاگەیاندووە، هەر قسەیەک لەسەر دواخستنى هەڵبژاردنى داهاتوو دەچێتە چوارچێوەى بۆچون و لاى هەندێکیش هیوا، یاخود جۆرێکە لە جۆرەکانى پڕوپاگەندەى پێشوەختى هەڵبژاردن.

 

ئاماژەى بەوەشداوە، لیژنەى باڵاى ئاسایشى هەڵبژاردنەکان بەردەوامە لە ئامادەکارییەکانى، کۆمسیۆنى باڵاى سەربەخۆى هەڵبژاردنەکانیش لاى خۆیەوە لە ئامادەکارییە سەرەکییەکانیدا پێش کات کەوتووە و سەرکەوتوو بووە لە نوێکردنەوەى کارتى بایۆمەترى دەنگدان بۆ یەک ملیۆن دەنگدەرى نوێ کە لە دایکبووى ساڵەکانى 2001 و 2002 و 2003ن.

 

ڕاوێژکارەکەى سەرۆک وەزیرانى عێراق لە بەشێکى ترى قسەکانیدا هێماى بۆ ئەوەکردووە، داوا دەکات ڕێوشوێنى تایبەت و بەپەلە و پێویست بگیرێتە بەر بۆ ئەوەى ئەو دەنگدەرە نوێیانەى کە ماون و نزیکەى یەک ملیۆن و 500 هەزار کەسن کارتى دەنگدانى تایبەت بەخۆیان وەرگرن.

 

هنداوى جەختی لەوەشکردووەتەوە، چونکە بەپێى دەستور سەرجەم لە دایکبووانى ئەو سێ ساڵە گونجاون بۆ بەشداریکردن لە هەڵبژاردنى  داهاتوو، بەڵام هیچ جۆرە کارتێکى دەنگدانیان نییە تەنانەت کارتى ماوە کورتیش، ئەوەش هەڕەشەیە لەسەر بێبەشبونیان لە مافى دەنگدان.