گه‌ڕان

Shadow Shadow
سیاسه‌تی

باسی نیشتیمان و مردووان دەکات

دوایین پۆستی ئەو گەنجە سەیدسادقیەی لە ڕێگای ئەوروپا گیانی لەدەستدا

2021.05.27 - 20:40
App store icon Play store icon Play store icon
دوایین پۆستی ئەو گەنجە سەیدسادقیەی لە ڕێگای ئەوروپا گیانی لەدەستدا

ناس کورد-

هەژێن ساڵح، ئەو گەنجە سەیدسادقیەی لە ڕێگەی کۆچکردنی بۆ ئەوروپا و لە ڕووداوێکدا لە تورکیا گیانی لەدەستدا، لە دوایین پۆستیدا پێش کۆچی دوایی کردنی نوسیویەتی، " خـودا، تـاوانـی ئێـمە چـیـە لەم ھـەرێمـەدا لـەدایــکبـووین."، لە پۆستێکی دیکەشدا دەڵێت، "پێناسەی نیشتیمان چی لە بێکاریم و لە بێزاریم و لە دڵتەنگیم ئەگۆڕێت؟". 

کەناڵی ناس کورد لە تێلیگرام جۆین بکە   

 

دوای ئەوەی لە 7ی نیسانی ئەمساڵ هەژێن ساڵح و چەند گەنجێکی دیکەی سەیدسادق، شارەکە جێدە‌هێڵن و بەمەبەستی گەیشتنی یەکێک لە وڵاتە ئەوروپییەکان دەچنە تورکیا.

 

دوای مانەوە بۆماوەی چەند مانگێک لە تورکیا دەمێننەوە و لە ڕۆژی 25ی ئەم مانگە بە پاسێک دەیانەوێت بەرەو سنورەکانی یۆنان بڕۆن، بەڵام پاسەکە توشی ڕووداوی هاتوچۆ دەبێت و هەژێن گیانی لەدەستدا.

 

هەژێن ساڵح، لە دوایین پۆستیدا لە فەیسبوکی فەرمیی خۆی لە 8ی 12ی 2021، نوسیویەتی، " خـودا، تـاوانـی ئێـمە چـیـە، لەم ھـەرێمـەدا لـەدایــکبـووین."

 

 

هەژێن کە یەکێک بوو لە خوێندکارە یەکەمەکانی بەشی زمان و ئەدەبی کوردیی زانکۆی سلێمانی، لە پۆستێکی دیکەیدا لە ساڵی 2019، نوسیویەتی، " تـۆ نیـشتیـمان مـن پێناسـەی تۆ بخمـە گـیرفـانمـەوە یـان نەیخـەم، چـی لە بێـکاریم و لە بـێزاریـم و لـە دڵتـەنگیـم ئەگۆڕێت، چـی؟."

 

 

پۆستەکانی هەژێنی لەدایکبووی ساڵی 1997، دەری دەخەن، یەکێک بووە لەو گەنجانەی لە دۆخی ژیانی بێزار بووە، لە پۆستێکدا لە ساڵی 2017 نوسیویەتی، " ئەمەوێت بەسەر ھەموو مردوەکاندا بگەرێم، لای ھەموان بنوشتێمەوە و بلێم، ھیچتان لەدەست نەداوە، ژیان زور لەوە تاریکترە کە ئێوە ئەتانەوێ بیبینەوە."

 

 

ساڵانە لە هەرێمی کوردستان سەدان هەزاران گەنج بەمەبەستی گەیشتن بە ئەوروپا هەرێمی کوردستان جێدەهێڵن و ژمارەیەکی زۆریش بە ڕووداوی جیاواز لەو ڕێگەیەدا گیان لەدەستدەدەن.