ناس کورد-
بەڕێوەبەرایەتی گشتی کارەبای سلێمانی مژدە دەدات لە زیادبوونی بەرهەمێهێنانی کارەبا لە وێستگەی بەرهەمهێنانی کارەبای گەرمیان و ئاشکراشی دەکات، ئەو زیادبوونە سودی دەبێت بۆ سەر تۆڕی کارەبای نیشتمانی هەرێمی کوردستان بەگشتی و گەرمیانیش.
کەناڵی ناس کورد لە تێلیگرام جۆین بکە
بەڕێوەبەرایەتی گشتی کارەبای سلێمانی (26ی ئایاری 2021) لەبڵاوکراوەیەکدا ئاماژەى بەوە کرد، دوای ئەوەی لە 12-5-2021 بۆ یەکەمجار و لەلایەن کۆمپانیای ئەگریکۆوە لەوێستگەی بەرهەمهێنانی گەرمیان دەستکرا بە بەرهەمهێنانی کارەبا ئەمڕۆ 26ی ئایاری 2021 بەرهەمهێنان گەشتە 85 مێگاوات و ڕۆژانەش لەلایەن کۆمپانیاوە بڕی بەرهەمهێنان زیاتر دەکرێت.
بەگوێرەى بڵاوکراوەکە، بڕیارە تاکۆتایی مانگی 6 بە چەند قۆناغێک بگاتە 165 مێگاوات و بخرێتە سەر تۆڕی نیشتمانی کارەبا لە هەرێمی کوردستان و سودێکی باشی هەبێت بۆ کوردستان و گەرمیان بەتایبەت.
