گه‌ڕان

Shadow Shadow
سیاسه‌تی

رێواز فایەق: ئەو وەزیرەى باسى موچەی کردووە یەک تۆز جورئەتى هەبێت دێتە پەرلەمان

2021.05.25 - 13:20
App store icon Play store icon Play store icon
رێواز فایەق: ئەو وەزیرەى باسى موچەی کردووە یەک تۆز جورئەتى هەبێت دێتە پەرلەمان

ناس کورد-

 

سەرۆکى پەرلەمانى کوردستان رایگەیاند، ئەو وەزیرەى باسێکى کۆبوونەوەى ئەنجومەنى وەزیرانى لەبارەى موچەوە دزەپێکردووە بۆ پەرلەمانتارێک "یەک تۆز جورئەتى هەبێت" دەچێتە پەرلەمان.

کەناڵی ناس کورد لە تێلیگرام جۆین بکە   

 

لەکۆبوونەوەى پەرلەمانى کوردستان پەرلەمانتارێکى پارتیدا لەبارەى موچەوە ویستى لەزارى وەزیرێکى حکومەتەوە "زانیارییەک" لەبارەى موچەوە ئاشکرابکات، بەڵام رێواز فایەق قسەکەى پێ بڕى و پێی وت کە ئەگەر ئەو وەزیرە یەک تۆز جورئەتى هەیە دێتە پەرلەمان و قسەکەى دەکات نەک زانیاری ناو کۆبوونەوەى حکومەت بەتەلەفۆن بداتە پەرلەمانتارێک.

 

رێواز فایەق باسى لەوەشکرد، نوسراوى تایبەت بە بانگهێشتکردنى وەزیرى دارایی ئاڕاستەى حکومەت دەکەن بۆ ئەوەى رونکردنەوە لەسەر موچە بدات.

 

کۆبوونەوەى ئەمڕۆى پەرلەمانى کوردستان مشتومڕى توندى بەخۆوە بینى لەنێوان پەرلەمانتاراندا لەبارەى موچە، دواى ئەوەى وەزارەتى دارایی گۆڕانکاریی لە خشتەکەدا کرد و دابەشکردنى موچەى یەک وەزارەتى لەدوو رۆژدا راگەیاند.