گه‌ڕان

Shadow Shadow
سیاسه‌تی

زانیاریی زیاتر

هەدەپە داوایەک لە مەسعود بارزانی دەکات.. ’’وەک ڕیش سپییەک’’

2021.05.21 - 18:36
App store icon Play store icon Play store icon
هەدەپە داوایەک لە مەسعود بارزانی دەکات.. ’’وەک ڕیش سپییەک’’

ناس کورد-

نوێنەرایەتی هەدەپە لە هەرێمی کوردستان داوا لە مەسعود بارزانی دەکات، بانگهشتی لایەنەکان بکات بۆ یەکێتی نەتەوەیی کوردستان و خۆی ڕابەرایەتی بکات و دەڵێت، وەک سەرۆکی پارتی نا، بەڵکو وەک ڕیش سپییەک، هەروەها پەیامێک ئاراستەی تەواوی لایەنەکان، کەسایەتییەکان و توێژەکانی دیکەی هەرێمی کوردستان دەکەن.

کەناڵی ناس کورد لە تێلیگرام جۆین بکە   

 

نوێنەرایەتی باشوری کوردستانی هەدەپە (هەرێمی کوردستان) لە شاری هەولێر کۆنگرەیەکی ڕۆژنامەنوسی بۆ محەمەد شەریف، ئەندامی نوێنەرایەتیی بەڕێوەبردن ڕێکخست و تێیدا پەیامێکیان ئاراستەی لایەنە سیاسییەکان و کەسایەتییەکانی باشووری کوردستان کرد.

 

لە سەرەتای بەیاننامەکەدا کە محەمەد شەریف خوێندییەوە، باس لە مانگرتنی زیندانیانی دۆزی پەکەکە و پژاک کراوە، کە لە ٢٧ی مانگی ١١ی ٢٠٢٠ـەوە بەردەوامە لە دژی گۆشەگیرییەکانی سەر عەبدوڵا ئۆجالان، هەروەها ئاماژە بەوەکراوە، " ئەمڕۆ دەوڵەتی تورک بە بیانووی پەکەکە هێرش دەکاتە سەر هەرێمی کوردستان، بەڵام ڕاست نییە و ئەو هێرشە بۆ سەر هەموو گەلی کورد و بۆ داگیرکردنی باشووری کوردستانە، هاوشێوەی عەفرین، سەرێکانی، ئەمڕۆش هێرش دەکەنە سەر هەرێمەکانی زاپ، مەتینا و ئاڤاشین."

 

ئەوەش هاتووە، "دەوڵەتی تورک هیچ کاتێک نەیویستووە هیچ ستاتۆیە هەبێت بەناوی کوردانەوە، بۆ نمونە دەڵێن، ‘بۆ باشووری کوردستان هەڵەیەکمان کرد و بۆ ڕۆژئاوا دووبارەی ناکەینەوە’، دەوڵەتی فاشیستی تورک بەم داگیرکارییانە دەیەوێت خەون و خەیاڵی میساقی میلـلی پێکبهێنێت، هەروەها بە ئاشكرا دەڵێن، کەرکوک و موسڵ هی ئێمەیە، ئەمانەش نوێ نییە و لە سەردەمی دەوڵەتی عوسمانییەوە بەردەوامن، ئامانجیشیان قڕکردنی گەلی کوردە، لە کاتی ڕیفراندۆمیشدا ڕوون بوو، کە دەوڵەتی تورک، ئێران، سوریا و عێراق دژی کورد بوون بەیەک."

 

هەدەپە لە بەردەوامیی پەیامەکەدا، باسی لەوەکردووە، "دەبێت هەمووان وەک خۆی داگیرکارییەکان ببینن و بانگەوازی سەرەکیمان بۆ بەڕێز مەسعود بارزانییە، نەک وەک ئەوەی کە سەرۆکی پارتییە، بەڵکو لەبەرئەوەی کە لە تەمەنێکی بچوکەوە لەناو شۆڕشی کوردستاندایە، ئەمڕۆش بەم تەمەنەی خۆیەوە وەک ڕیش سپییەکی کوردە، لەلایەکی دیکەوە بەهۆی ئاشنابوونی لە جیهانی نێودەوڵەتیدا گەلی کورد دەیانەوێت ڕۆڵی خۆی ببینێت و بانگ لە هەموو پارت و ڕێکخراوە کوردییەکان بکات بۆ یەکڕیزی و یەکێتی نەتەوەیی کورد و خۆشی ڕێبەڕێتی بکات، هەر پارت و لایەنێک بەشداریی نەکات، هەرکەس بێت دەبێت ڕەخنەی لێبگیرێت، چونکە ئەمڕۆ کاتی ئازادی و کاتی یەکگرتنە و دەبێت خەون و خەیاڵی نزیکەی ٥٠ ملیۆن کەسی کورد بەدی بهێنین."

 

لە بەردەوامی کۆنگرە ڕۆژنامەوانییەکەدا، هەدەپە ڕایگەیاند، "پەیامی دووەمیان بۆ پارت و ڕێکخستن و کەسایەتییەکانە، کە داگیرکارییەکانی دەوڵەتی تورک وەک خۆی ببینن، چونکە خاک و وڵاتمان داگیردەکرێت و کچان و کوڕانمان شەهید دەکرێن، بۆیە دەبێت ئێمەی کورد بە توندی دژی داگیرکاریی بووەستینەوە و شەرمەزاری بکەین."

 

لە کۆتاییدا داوایان لە تەواویی خەڵکی هەرێمی کوردستان کرد کە چۆن دژی داگیرکردنی عەفرین هەڵوێستیان هەبوو، دژی ئەم داگیرکارییانەش هەڵوێستی جددی پیشان بدەن.