گه‌ڕان

Shadow Shadow
سیاسه‌تی

بۆ یەکەم جار

نەتەوە یەکگرتووەکان لەسەر خۆسوتاندنی گەنجەکەی هەولێر ڕوونکردنەوە دەدات

2021.05.20 - 18:19
App store icon Play store icon Play store icon
نەتەوە یەکگرتووەکان لەسەر خۆسوتاندنی گەنجەکەی هەولێر ڕوونکردنەوە دەدات

 ناس کورد-

كۆمسیۆنی باڵای نەتەوە یەكگرتووەكان بۆ كاروباری پەنابەران لەسەر ڕووداوی خۆسوتاندنی گەنجە ڕۆژهەڵاتییەکە لە هەولێر ڕوونکردنەوەیەکی بڵاوکردەوە و ڕایگەیاند، چاودێری تەندروستیی گەنجەکە دەکەن و لەگەڵ حکومەتی هەرێم و عێراقیش کاردەکەن بۆ هاوکاریکردنی زیاتری پەنابەران.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا كۆمسیۆنی باڵای نەتەوە یەكگرتووەكان بۆ كاروباری پەنابەران (پێنجشەممە 20ی ئایاری 2021) ڕایگەیاند، "دڵگرانین بەو ڕووداوە کارەساتبارەی لە هەولێر ڕوویدا و گەنجێکی پەنابەر لە دەرەوەی بارەگای نەتەوە یەکگرتووەکان ئاگری لە جەستەی خۆی بەردا."

 

ئاماژەی بەوەشکردووە، "تیمە پزیشکییەکانی نەتەوە یەکگرتووەکان چوون بە دەم گەنجەکەوە و گەیاندوویانەتە نەخۆشخانە و تائێستا لەژێر چاودێریدایە و بە وردی چاودێری تەندروستیی دەکەین."

 

کۆمسیۆنی باڵای نەتەوە یەکگرتووەکان بۆ کاروباری پەنابەران ئەوەشی خستووەتەڕوو، لەگەڵ حکومەتی هەرێمی کوردستان و عێراق کاردەکەن بۆ زیاتر هاوکاریکردنی پەنابەران و پەناخوازان لە چوارچێوەی یاسا نێودەوڵەتیی و مرۆڤدۆستانییەکان و بنەکامانی یاسای پەنابەران.

 

جەختیشیکردووەتەوە، "ئەو پەنابەر و پەناخوازانەوەی زیاتر لە هەرکەس پێویستیان بە هاوکارییە، هاوکاری دارایی، هاوکاری یاسایی، پاراستنی ژیانیان و شوێنی مانەوەیان لە کەمپەکاکاندا و ئاو و کارەبیان بۆ دابین دەکرێت."

 

ڕۆژی سێشەممە 20ی ئایاری 2021، گەنجێکی تەمەن 26 ساڵ بەناوی بێهزاد مەحمود لەبەردەم بارەگای نەتەوە یەکگرتووەکان لە هەولێر وەک ناڕەزایی دەربڕین بۆ پێنەدانی مافی پەنابەری ئاگری لە جەستەی خۆی بەردا و خۆی سوتاند، ئێستاش لە نەخۆشخانە لە ژێر چاودێریدایە و %92ی جەستەی سوتاوە.