گه‌ڕان

Shadow Shadow
سیاسه‌تی

وردەکاریى

ماڵپەرێكی نزیك لە سیستانی: مەرجەعیەت بە میراتگریی نییە

2021.05.20 - 11:33
App store icon Play store icon Play store icon
ماڵپەرێكی نزیك لە سیستانی: مەرجەعیەت بە میراتگریی نییە

ناس کورد-

ماڵپەرێكی نزیك لە مەرجەعیەتی نەجەف بڵاویكردەوە پێگەی مەرجەعیەت بە میراتگریی نییە و چیرۆكی یەكێك لە مەرجەعە كۆچكردووەكانیشی بە نمونە هێناوەتەوە كە نەیهێشتووە كوڕەكەی جێگەی بگرێتەوە.

 

کەناڵی ناس کورد لە تێلیگرام جۆین بکە   

 

ماڵپەڕی "الأئمة الاثنا عشر" كە نزیكە لە حەوزەی نەجەف و مەرجەعیەتی سیستانییەوە، لە بڵاوكراوەیەكدا كە "ناس كورد" بینیویەتی (20 ئایاری 2021) باس لەوە دەكات كاتێك ئەبو حەسەنی ئەسفەهانی گەورە مەرجەعی شیعە لە نەخۆشی سەرەمەرگدا بووە، داوایان لێكردووە كەسێك لەدوای خۆی دەستنیشان بكات بگەڕێنەوە سەری، ئەویش رەتیكردووەتەوە.

 

بەقسەی ماڵپەڕەكە میوانەكانی وتویانە باشترە كوڕەكەت لەجێگەی خۆت دەستنیشان بكەیت چونكە ئێستا ئێمە پشت هەر بەو دەبەستین، سەید حەسەنی ئەسفەهانیش وتویەتی "مەرجەعیەت بەمیرات نییە".

 

هەر لەم میانەیەشدا فایەق شێخ عەلی كە پەرلەمانتارێكی مەدەنییە و لەبنەڕەتدا خەڵكی شاری نەجەفە و لە بنەماڵەیەكی ئاینییە بەمدواییانە لە بەرنامەی "الصندوق الأسود" رایگەیاند نەرێت نییە لەناو شیعە مەرجەعیەت بەمیرات بێت، چونكە هەمووكات كە مەرجەعەكان دەمرن چەندین كەسیتری بە تەمەنتر و بەتواناتر لەكوڕەكانیان لەچواردەوریان هەن و ئیحراجییەكی گەورەیە كوڕەكان بەسەر هاو ئاستەكانی باوكیاندا هەڵكشێن.

 

لەپاش هەڵكشانی تەمەنی سیستانی بۆ سەروو 90 ساڵ ناوبەناو مشتومڕی چۆنییەتی جێگە گرتنەوەی لەناوەندی شیعیدا ناوبەناو سەرهەڵدەدات بەتایبەت كە شارەزایان پێیانوایە لەئێستادا كەسێكی كاریزماتیكی ئاینی ئەوتۆ لە گۆڕەپانی نەجەفدا نییە.