گه‌ڕان

Shadow Shadow
سیاسه‌تی

وردەکاریى

مەرجى تەندروستی بۆهەڵگرتنى قەدەغەى هاتووچۆ ئاشکرا دەکرێت 

2021.05.19 - 18:25
App store icon Play store icon Play store icon
مەرجى تەندروستی بۆهەڵگرتنى قەدەغەى هاتووچۆ ئاشکرا دەکرێت 

ناس کورد-

وەزارەتی تەندروستی و ژینگەی عێراق ڕایگەیاند، دابەزینی ڕێژەى توشبوون بە ڤایرۆسی کۆرۆنا بەراورد بەڕۆژانی پێشوو لەوڵات، پەیوەندی بەوەوە هەیە کە بەشێکی زۆر لەهاوڵاتیان توشی پەتاکە بوون و دواتر چاکبوونەتەوە. 

 

کەناڵی ناس کورد لە تێلیگرام جۆین بکە   

 

 ریازعەبدولئەمیر، بەڕێوەبەری فەرمانەگەی تەندروستی گشتیی لە وەزارەتەکە (19ی ئایاری 2021) لەلێدوانێکی ڕۆژنامەوانیدا بۆ ئاژانسی هەواڵیی فەرمی عێراق ڕایگەیاند "لەماوەی ڕۆژانی ڕابردوودا ڕێژەی توشبوون بەپەتای کۆرۆنا لەوڵاتدا بەشێوەیەکی بەرچاو هاتووەتە خوارەوە بەراورد بەپێشوو، شەپۆلی دووەمی ڤایرۆسەکەش پێدەچێت بەپێی ئەو داتایانەی کە بەردەستن لەڕۆژانی داهاتوودا زیاتر دابەزێت".

 

 وتیشی "دابەزینی ڕێژەى توشبوون بە ڤایرۆسی کۆرۆنا بەراورد بەڕۆژانی پێشوو لەوڵات پەیوەندی بەوەوە هەیە کە بەشێکی زۆر لە هاوڵاتیان توشی پەتاکە بوون ودواتر چاکبوونەتەوە، کاریگەرییەکانی  کوتان بەڤاکسینەکە تائێستا دەرنەکەوتووە، چونکە ڕێژەی کوتان زۆر کەمە بەراورد بە ڕێژەی دانیشتوانی عێراق".

 

بەرپرسەکەی وەزارەتی تەندروستی عێراق دوو مەرجی سەرەکی خستووەتەڕوو بۆ ڕزگابوونی وڵات لە مەترسییەکانی نەخۆشی کۆرۆنا بەتایبەتی شەپۆلی سێهەم و ڕایگەیاند "بۆ ئەوەی هەموو ڕێکارەکانی قەدەغەی هاتووچۆ هەڵبگیرێت دەبێت کار بکەین بۆ بەرزکردنەوەی ڕێژە و ئاستی کوتان بەڤاکسینەکان، هاوکات دەبێت هاوڵاتیان لەماوەی داهاتوودا بەردەوام بن لەپەیڕەوکردنی رێکارەکانی بەرگرتن لە بڵاوبوونەوەی ڤایرۆسەکە".

    

 لەبارەی ڤاکسینەکانەوە، عەبدولئەمیر وتی "لە ئێستادا سێ جۆر ڤاکسین لە عێراق پەسەندکراوە کە بریتین لە ڤاکسینەکانی ڤایزەر، ئەسترازینکیا و سینۆفارم، وەزارەتی تەندروستی هیچ نییەتێکی نییە لە داهاتوودا ڤاکسینی چوارەمیش پەسەند بکات، ئەو ڤاکسینانەی کەئێستا هەن خواستێکی زۆری لەسەرە".