گه‌ڕان

Shadow Shadow
سیاسه‌تی

کەرکوک؛ لە سێ قۆڵەوە ئۆپراسیۆن دژی داعش دەستیپێکرد

2021.05.19 - 08:59
App store icon Play store icon Play store icon
کەرکوک؛ لە سێ قۆڵەوە ئۆپراسیۆن دژی داعش دەستیپێکرد

ناس کورد-

تۆڕی ڕاگەیاندنی جەنگیی سەر بە سوپای عێراق دەستپێکردنی "ئۆپراسیۆنێکی ئەمنیی فراوانی لە سێ قۆڵی کەرکوکەوە" ڕاگەیاند بۆسەر پاشماوەکانی داعش.

کەناڵی ناس کورد لە تێلیگرام جۆین بکە   

 

تۆڕەکە لە کورتە ڕاگەیەنراوێکدا کە کۆپییەکی دەستی "ناس کورد" کەوتووە (19ی ئایاری 2021) دەڵێت، بەرەبەیانی ئەمڕۆ هێزە ئەمنییەکانی سەر بە بارەگای فەرماندەیی ئۆپراسیۆنە هاوبەشەکان لە کەرکوک دەستیان کرد بە ئۆپراسیۆنێکی فراوان لە سێ قۆڵەوە" بۆ لەناوبردن و ڕاوەدوونانی پاشماوەکانی داعش لە ناوچەکە.

 

بەپێی ڕاگەیەنراوەکە، قۆڵی یەکەم تایبەتە بە تیپیی هەشت و لیوای 45 بە هاوبەشی هێزی تایبەت و فەوجی هەواڵگری لە بارەگای کەرکوک بۆ پشکنینی دۆڵی شای.

 

قۆڵی دووەم تایبەتە بە تیپی پێنجی پۆلیسی ئیتیحادی و لیوای کردە تایبەتەکان بۆ پشکنینی و ڕاوەدوونانی چەکدارانی داعش لە دۆڵی زغیتون.

 

هەرچی قۆڵی سێیەمە تایبەتە بە حەشدی شەعبی و لە گوندی سادە دەستپێدەکات بۆ گوندی عەسریە.

 

تۆڕی ڕاگەیاندنی جەنگی دەشڵێت کە فڕۆکە جەنگییەکان و هێزی ئاسمانیی عێراق پشتیوانی ئۆپراسیۆنەکە دەکەن.