گه‌ڕان

Shadow Shadow
سیاسه‌تی

پاش هۆشداری حەماس

ئاژانسەكان: دەنگی تەقینەوەی گەورە لە تەلئەبیب دەبیسرێت

2021.05.16 - 00:34
App store icon Play store icon Play store icon
ئاژانسەكان: دەنگی تەقینەوەی گەورە لە تەلئەبیب دەبیسرێت

پەیجی فەرمی ئیسرائیل بەزمانی عەرەبی بڵاویكردەوە كە زەنگی ئاگاداركردنەوە لە تەلئەبیب و باشوری ئیسرائیل لێیداوە بەهۆی هێرشی موشەكی حەماسەوە، پەیامنێری كەناڵی ئەلعەرەبی كە لە لەندەنەوە پەخش دەكرێت دەڵێت دەنگی تەقینەوەی گەورە دێت لە پایتەختی ئیسرائیل. 

کەناڵی ناس کورد لە تێلیگرام جۆین بکە   

پەیامنێری كەناڵەكە لە شاری تەلئەبیبەوە ڕایگەیاند دەیان موشەك بەرەو پایتەختی ئیسرائیل هاوێژراون، بەم هۆیەشەوە زەنگی ئاگاداركردنەوە لە تەلئەبیب و ریشون و لیتسون و عەسقەلان و ئەسدود لێدراوە. 

لەمبارەیەوە وتەبێژی كەتیبەكانی قەسام دەڵێت، هێرشەكە وەڵامە بۆ هێرشەكانی ئەمڕۆی ئیسرائیل و هاشتاگێكی داناوە، "ئەگەر بگەڕێنەوە ئێمەش دەگەڕێینەوە".  

لای خۆشییەوە وتەبێژی سەربازی سوپای ئیسرائیل ئەفیخای ئەدرعی، كەمێك بەر لە ئێستا بڵاویكردەوە (16 ئایاری 2021) هێرشە موشەكییەكان "بەڵگەن لەسەر قەبارەی تیرۆر" و ئەو موشەكانەی ئاراستەیان دەكرێت ئیرادەی ئیسرائیلییەكان ناشكێنێت.