گه‌ڕان

Shadow Shadow
سیاسه‌تی

وردەکاریى

ژمارەى کاندیدەکانى پارتى لە کەرکوک بۆ هەڵبژاردنى پیشوەختە ئاشکرا دەکرێت 

2021.05.15 - 19:05
App store icon Play store icon Play store icon
ژمارەى کاندیدەکانى پارتى لە کەرکوک بۆ هەڵبژاردنى پیشوەختە ئاشکرا دەکرێت 

ناس کورد-

بەرپرسی لقی سێی پارتی ڕایگەیاند، بەدوو کاندید بەشداری ھەڵبژاردنەکانی کەرکووک دەکەن و ئاماژەى بەوە کرد "لەسیستەمی بازنەیی ھەڵبژاردنەکان ناحەقییەکی گەورە لەکوردی کەرکووک کراوە".

 

کەناڵی ناس کورد لە تێلیگرام جۆین بکە   

 

محەمەد خورشید، بەرپرسی لقی سێی پارتی (15ی ئایاری 2021) لە لێدوانێکیدا بۆ ئاژانسى هەواڵى ئەنادۆڵ رایگەیاند، وەکو پارتی پێشنیاری یەک لیستی و دروستکردنی ھاوپەیمانێتی خستە بەردەم لایەنەکانی کەرکوک بەڵام سەری نەگرت بەڵام پارتی بەشداری ھیچ کۆبوونەوەیەکی لایەنەکانی کەرکووکی نەکرد بۆ یەک لیستی و دروستکردنی ھاوپەیمانێتی چونکە ئەم سیستەمی ھەڵبژاردنە شێوازی دەنگدانە بەتاک و کاندید بۆ ھاوپەیمانێتی گرنگییەکی ئەوتۆی نییە".

 

ئاماژەی بەوەشکرد "وەکو پارتی ئاماددەکاریمان بۆ ھەڵبژاردنە پێشوەختەکەی ئەنجومەنی نوێنەرانی عێراق دەستپێکردوە و بەدوو کاندید بەشداری ھەڵبژاردنەکانی کەرکوک دەکەین و ھەر بابەتێکی تریش بێتە پێشەوە ئەوکات بڕیاری پێویستی بۆ وەردەگرین".

 

بەرپرسی لقی سێی پارتی ئەوەشی وتووە "بەهۆی داگیرکردنی کەرکوک بارەگاکانی کەرکوکی پارتی لە هەولێرە بەڵام جەماوەری پارتی ھەر لەکەرکووکن و ھەرکات ھەست بەئازادی کاری سیاسی بکەین حەتمەن دەگەڕێینەوە کەرکوک".