گه‌ڕان

Shadow Shadow
سیاسه‌تی

وردەکاریى

وەزیرى پەروەردە بۆ مامۆستایان: ئەمەكداری و ڕۆڵی گرنگتان هەرگیز لەبیرناكرێت

2021.05.15 - 14:15
App store icon Play store icon Play store icon
وەزیرى پەروەردە بۆ مامۆستایان: ئەمەكداری و ڕۆڵی گرنگتان هەرگیز لەبیرناكرێت

ناس کورد-

وەزیرى پەروەردەى حکومەتى هەرێمى کوردستان بەبۆنەى ساڵڕۆژى دامەزراندنى یەکێتى مامۆستایان پەیامێکى بڵاوکردەوە و رایگەیاند، ئەمەكداری و ڕۆڵی گرنگتان هەرگیز لەبیر ناكرێت.

 

کەناڵی ناس کورد لە تێلیگرام جۆین بکە   

 

د.ئالان حەمە سەعید (15ى ئایارى 2021) لە پەیامێکدا بەبۆنەى 59هەمین ساڵیادى دامەزراندنى یەکێتى مامۆستایانى کوردستان رایگەیاند، مامۆستایان لە شۆڕشی رزگاریخوازی گەلەكەمان، هەمیشە لەپاڵ ئەركی پیشەیی خۆیان درێژەیان بە خەباتی شۆڕشگێڕانە لە پێناو ڕزگاری و ئاوەدانکردنەوەی خاك و نیشتیمان داوە، بۆیە ئەمەكداری و ڕۆڵی گرنگتان هەرگیز لەبیر ناكرێت.

 

ئاماژەى بەوەش کرد کە لە هەر قۆناغێكدا هەردەم ئەمەکداری  ماندوبوون و شەونخونی مامۆستان.

 

دەقى پەیامەکە:

 

 

لە یادی (٥۹)ەمین ساڵیادی دامەزراندنی (یەكێتی مامۆستایانی كوردستان)، پیرۆزبایی لە سەرۆک و ستافی سكرتاریەت و سەرجەم لقەکان و مامۆستایانی کوردستان دەكەین.

 

مامۆستایان لە شۆڕشی رزگاریخوازی گەلەكەمان، هەمیشە لەپاڵ ئەركی پیشەیی خۆیان درێژەیان بە خەباتی شۆڕشگێڕانە لە پێناو ڕزگاری و ئاوەدانکردنەوەی خاك و نیشتیمان داوە، بۆیە ئەمەكداری و ڕۆڵی گرنگتان هەرگیز لەبیرناكرێت.

 

مامۆستایانی کوردستان سەرمەشقی پەروەردەەکردن و فێرکردنی كۆمەڵگەن و لە هەر قۆناغێكدا هەردەم ئەمەکداری  ماندوبوون و شەونخونیتانین .

 

لەم ساڵانەی دواییدا، كە (شەڕی نەگریسی داعش و قەیرانی دارایی و ڤایرۆسی كۆرۆنا) بەرۆكی گرتین، رۆڵی كاریگەرتان بینی لە پەكنەخستنی پرۆسەی خوێندن و بەردەوام و پێشمەرگە ئاسا  لە خەمی كۆمەڵگەدا بوون. بۆیە وێڕای سوپاسکردن ، خوازیارین هەمیشە بەردەوام بن لە خزمەت گەیاندن بە كۆمەڵگە، لە پێناو پێگەیاندنی تاكی بەرپرسیار بۆ خزمەتی زانست و خاك و نیشتمان.

 

دووبارە پیرۆزبایی گەرمتان ئاراستە دەكەین و رۆڵ و خەباتی ئێوە بەرز دەنرخێنین.

 

ئالان حەمەسەعید 

وەزیری پەروەردەی حكومەتی هەرێمی كوردستان

١٥ ی ٥ ی ٢٠٢١