گه‌ڕان

Shadow Shadow
سیاسه‌تی

زانیارى زیاتر

ڕونکردنەوەى پارێزگاری مێرسین لەسەر هێرشکردنە سەر خێزانێکی هەولێر 

2021.05.15 - 11:08
App store icon Play store icon Play store icon
ڕونکردنەوەى پارێزگاری مێرسین لەسەر هێرشکردنە سەر خێزانێکی هەولێر 

ناس کورد-

پارێزگای مێرسین لەبارەی هێرشکردنە سەر خێزانێکی خەڵكی هەولێر لەلایەن چەند كەسێكەوە لە توركیا، روونكردنەوەیەكی بڵاوكردەوەو نیگەرانەو دەڵێت، "لێكۆڵینەوە لەگەڵ هێرشكاران بەردەوامە و رووبەڕووی سزا دەبنەوە". 

 

کەناڵی ناس کورد لە تێلیگرام جۆین بکە   

 

عەلی ئیحسان پارێزگای مێرسین (15ى ئایارى 2021) لە ڕونكردنەوەیەكدا نكۆڵی لەوە دەكات پەلاماردانەكە پەیوەندیداربووبێت بە بابەتی نەتەوەپەرستییەوە و جەخت لەوە دەكاتەوە لە تۆڕە كۆمەڵایەتییەكاندا بابەتەكە بەلاڕێدا براوە  چەواشەكاری بۆ كراوە. دەشڵێت، "ئەوەی باسی لێدەكەن دوورە لە راستیەوەو هۆكاری سەرەكیی كێشەكە بۆ ڕووداوی هاتووچۆی نێوان دوو ئۆتۆمبێل دەگەڕێتەوە".

 

بەگوێرەی روونكردنەوەكەی پارێزگای مێرسین، "كاژێر 4:00ی سەرلە ئێوارەی ڕۆژی 13ی ئایاری 2021، رووداوێكی هاتووچۆ لە رێگەی سەرەكی شارۆچكەی بۆزیاز لە نزیك گەڕەكی سرتڵان سەر بە شارەدێی گۆزسوزجە لەنێوان خێزانێكی عێراقی گەشتیار كە مەبەستیان بووە بۆ ئەنتالیا گەشت بكەن، لەگەڵ سێ هاووڵاتیمان كە خەڵكی شارۆچكەی بۆزیازی بوون، روویداوە".

 

 پارێزگای مێرسین ئەوەشی وتووە، "بەداخەوە دوای ڕووداوەكە، دەمەقاڵێ لەنێوان هەردوولا روویداوە و بووەتە شەڕ و سێ هاووڵاتیمان پەلاماری شوفێری ئۆتۆمبێلە عێراقییەكەیان داوە و برینداریان كردوون".

 

پارێزگای مێرسین جەخت لەوەشدەکاتەوە، سێ هاووڵاتییەكە دەستبەسەرن و پەڕاوی لێكۆڵینەوەیان بۆ كراوەتەوەو لێکۆڵینەوە بەردەوامەو هاووڵاتییە بریندارەكەش بەناوی (م.م.ك) لە نەخۆشخانەی حكومیی ئەناموور چارەسەری پزیشكی پێویستی بۆ كراوە و ڕۆژی هەینی لە نەخۆشخانە دەرچووە. 

 

لە روونكردنەوەكەی پارێزگاری مێرسین ئەوەش هاتووە، "زۆر دڵگرانین بەهۆی ئەو ڕووداوەی ڕوویداوە و نیگەرانی خۆمان دەربڕیوەو ئێستا ئەم بەڕێزە لەگەڵ خێزانەكەی پێكەوە لە پارێزگاکەماندا میوانی ئێمەن. بۆ ئەم مەبەستەش ویستمان روونكردنەوە بۆ رای گشتیی رابگەیێنین".