گه‌ڕان

Shadow Shadow
سیاسه‌تی

لە لوبنانیش ئەوەی كردووە

ئەی پی: ئیسرائیل بە فێڵێك ڕەنگە دەیان كەسی لە حەماس كوشتبێت

2021.05.15 - 04:42
App store icon Play store icon Play store icon
ئەی پی: ئیسرائیل بە فێڵێك ڕەنگە دەیان كەسی لە حەماس كوشتبێت

ناس كورد_

ئاژانسی ئەسۆشیەتید پرێس بڵاویكردەوە كە ئیسرائیل میدیای بەكارهێناوە بۆ ڕاگەیاندنی دەستپێكردنی هێرشی زەمینی بەشێوەیەكی ساختە ئەمەش وایكردووە چەكدارانی حەماس لە حەشارگە و تونێلەكان بێنە دەرەوە بۆ بەرپەرچدانەوەیان لەكاتێكدا ئاسمانی غەزە پڕبووە لە فڕۆكەی جەنگی ئیسرائیلی و بۆردومانی كردوون.  

کەناڵی ناس کورد لە تێلیگرام جۆین بکە   

 

ئاژانسە جیهانییەكە لە راپۆرتێكدا كە "ناس كورد" بینیویەتی (15 ئایاری 2021)، باس لەوە دەكات ئەوكاتەی ئیسرائیل هەواڵی هێرشی زەمینی دزە پێكردووە و داویەتی بەمیدیاكان 160 فڕۆكەی سەربازی لە ئاسمانی غەزەدا بوون، بەهۆی هاتنە دەرەوەی چەكدارانی حەماس لە حەشارگە و تونێلەكان بۆ بەرپەرچدانەوەی ئەو هێرشە گریمانكراوە ڕەنگە دەیانیان كوژرابن.

ئۆر هیلەر پەیامنێری سەربازی لە كەناڵی 13 ئیسرائیل دەڵێت "وتەبێژەكانی سوپای ئیسرائیل درۆیان نەكردووە، یاری و فێڵێكی زیرەكانە و سەركەوتوویان بەكارهێناوە". 

هاوکات لەگەڵ کۆکردنەوەی تانک و هێزی زەمینی ئیسرائیل لەسەر سنوری غەزە، سوپای ئەو وڵاتە بەرەبەیانی رۆژی هەینی لە تویتێکدا رایگەیاند: هێرشی ئاسمانی و زەمینیان بۆ سەر کەرتی غەزە دەستپێکردوە و وتەبێژی سوپای ئیسرائیلیش لە لێدوانێکدا بۆ فرانس پرێس هێرشە زەمینیەکەی پشتڕاست کردەوە.

دوو کاتژمێر دواتر سوپای ئیسرائیل رایگەیاند: هیچ سەربازێکیان نەچوەتە ناو خاکی غەزەوە و ئەوەی بڵاوکراوەتەوە هەڵە بووە.

بەوتەی ئەی پی بەر لەچەند ساڵێك ئیسرائیل میدیای بەكارهێناوە بۆ راگەیاندنی پێكرانی سەربازەكانی تا حیزبوڵڵا لوبنان هێرشەكانی ڕابگرێت دوای ئەوەی گومانی ئەوە دەكات سەركەوتنی بەدەستهێناوە. 

 

بەگوێرەی ئامارە فەرمییەكان تا ئێستا 126 فەلەستینی لە هێرشەكانی ئیسرائیل بۆسەر كەرتی غەزە كوژراون كە 31 یان منداڵن بەرامبەر بە 9 ئیسرائیلی كە لە هێرشە موشەكییەكاندا كوژراون. ئاژانسەكانی نەتەوە یەكگرتووەكانیش رایانگەیاندووە دەوروبەری 10 كەسی فەلەستینی لەغەزە بێ ماڵ و حاڵ بوون.