گه‌ڕان

Shadow Shadow
سیاسه‌تی

راپۆرتێکى ئەمریکى: چەکدارانى داعش چەکى کیمیاییان لەسەر بارمتەکان تاقیکردووەتەوە

2021.05.14 - 10:49
App store icon Play store icon Play store icon
راپۆرتێکى ئەمریکى: چەکدارانى داعش چەکى کیمیاییان لەسەر بارمتەکان تاقیکردووەتەوە

ناس کورد-

 

بەپێى ڕۆژنامەیەکى ئەمەریکى، چەکدارانى داعش جۆرەها چەکى کیماییان بۆ مەبەستێکى دیاریکراو لەسەر زیندانى و بارمتەگیراوەکانى ژێر دەستیان لەموسڵ تاقیکردووەتەوە.

کەناڵی ناس کورد لە تێلیگرام جۆین بکە   

 

ڕۆژنامەى واشنتۆن پۆستى ئەمەریکى لەڕاپۆرتێکدا ئاشکرایکرد، بەپێى لێکۆڵینەوەى شارەزایانى نێودەوڵەتى سەر بەنەتەوە یەکگرتووەکان ئەوە ئاشکرا کراوە، چەکدارانى داعش چەندین جار جۆرەها چەکى کیماییان لەسەر زیندانى کراو و بارمتەگیراوان تاقى کردووەتەوە بۆ ئەوەى کاریگەرییەکەى بزانن.

 

پێشتریش ڕاپۆرتەکانى ساڵى 2015 لەبارەى بەکارهێنانى چەکى کیمایى لەلایەن داعشەوە لەسەرەتاکانى ئەو ساڵەدا ئاشکرا کرا و بەرپرسانى هەواڵگرى ئەمەریکى و عێراقیش لەوکاتەدا نیگەرانى خۆیان لەو دۆخە دەربڕیووە و مەترسى ئەوەیان باسکردووە کە داعش هەوڵى پەڕەپێدانى ئەو جۆرە چەکە دەدات.

 

بەپێى ڕۆژنامەکە، بەرپرسانى ئەمەریکا لەوکاتەشدا جەختیان لەسەر ئەوە کردووەتەوە، چەکدارانى داعش هەوڵى بەدەستهێنانى یارمەتى زاناکانى ئەو بوارە دەدەن لەعێراق و سوریا و وڵاتانى ترى ناوچەکە تا هەوڵى دامەزراندنى ناوەندێکى توێژینەوە و ئەزموونى چەکە کیمایى و بایەلۆژییەکان.

 

بەپێى ڕاپۆرتێکى ناوەندى (ئاى ئەتچ ئەس)ى لەندەنى، لەکۆتاییەکانى ساڵى 2016 لەچەند هێرش و پەلامارێکێدا داعش مادەى کیمیایى لەوانە گازى خەردەل و کبریتى بەلانیکەمى بۆ 52 جار لە سوریا و عێراق بەکارهێناوە.

 

بەپێى ئەو ئەنجامى نوێیەکانى لێکۆڵینەوەکانیش، دواى ئەوەى داعش ساڵى 2014 شارى موسڵ کۆنترۆڵ دەکات، چەندین جار چەکى کیمایى لەسەر بارمتە و زیندانى کراوەکان تاقى دەکاتەوە کە پێشتر ئەو جۆرە چەکانە نەناسراوبوون.

 

هاوکات بەپێى ڕاپۆرتێکى لیژنەیەک کە لەلایەن ئەنجومەنى ئاسایشى نێو دەوڵەتى پێکهێنراوە، لێکۆڵێنەوەکان لەو کارە ئەو کاتە دەستى پێکردووە، داعش زانکۆى موسڵى کردووەتە ناوەندى ئەزمونکردنى جۆرەها چەکى نوێ و لەکاتى تاقیکردنەوەشى لەسەر زنیدانیەکان چەندین زیندانى بەو هۆیەوە گیانیانلەدەستداوە.