گه‌ڕان

Shadow Shadow
سیاسه‌تی

وردەکاریى

وتنەوەى دروشمەکانى خۆپیشاندانەکانى تشرین لە کەربەلا دەستى پێکردەوە

2021.05.09 - 23:11
App store icon Play store icon Play store icon
وتنەوەى دروشمەکانى خۆپیشاندانەکانى تشرین لە کەربەلا دەستى پێکردەوە

ناس کورد- 

چالاکوانان و هاوڕێیانى ئیهاب وەزەنى چالاکوانى تیرۆرکراوى شارى کەربەلا بە دروشمە بەناوبانگەکانى خۆپیشاندانەکانى تشرین هاوڕێکەیان بەخاک سپارد و داوا دەکەن، عێراق لە هەژمونى ئێران و دەسەڵاتى حزب و گروپە چەکدارییەکان ڕزگار بکرێت.

 

کەناڵی ناس کورد لە تێلیگرام جۆین بکە   

 

شەوى یەکشەممە لەسەر دووشەممە (9ى ئایارى 2021) ئامادەبووانى مەراسیمى بەخاکسپاردنى تەرمى ئیهاب وەزەنى بە دەورى مەزارگەى ئیمام حسێن لە کەربەلا سوڕانەوە و دواتر تەرمەکە برایە حەرەمى حوسێنى، دواى ئەوەش خۆپیشاندەران ڕژانە سەر شەقامەکانى شارەکە و دەستیان کرد بە وتنەوەى دروشم.

 

بەپێى زانیارییەکانى ناس، خۆپیشاندەران دروشمە بەناوبانگەکانى خۆپیشاندانەکانى تشرینیان دەوتەوە و داوایان دەکرد عێراق لە هەژمونى ئێران و دەسەڵاتى حزبەکان و گروپە چەکدارییەکان ڕزگار بکرێت.

 

تیرۆرکردنى ئیهاب وەزەنى چالاکوانى شارى کەربەلا دوبارە دەنگى چالاکوانان و خۆپیشادەرانى بەرز کردەوە و شەقامى عێراقى جوڵاند، خۆپیشاندەران گروپە چەکدارییەکانى سەربە ئێران بەو کارە تۆمەتبار دەکەن.

 

کاردانەوەکان تەنها چالاکوانان و هاوڵاتیانى نەگرتەوە و جوڵانەوەى ماڵى عێراقى بانگەوازى بۆ بایکۆتکردنى خۆپیشاندانەکان کردووە و حزبى "یەکێتى عێراقى بۆ کار و ماف"یش لاى خۆیەوە بایکۆتکردنى هەڵبژاردنى داهاتووى ڕاگەیاندووە، هەروەها حزبى شیوعى عێڕاقى هەڵبژاردنى داهاتووى هەڵپەسارد، ئەوەش سەرەڕاى ئەوەى فایەق شێخ عەلى ئەندامى پەرلەمانى عێراق لە هەڵبژاردن کشایەوە.

 

لاى خۆشیەوە کونسوڵگەرى ئێران لە کەربەلا لەبەیاننامەیەکدا بڵاویکردووەتەوە، کونسوڵگەرى کۆمارى ئیسلامى ئێران لە شارى کەربەلاى پیرۆز ئیدانەى ئەو کارە تیرۆرستییە دەکات کە لە شارەکە پیرۆزەکە ڕوویدا، هەروەها سەرەخۆشى خۆى ئاڕاستە دەکات و پێشى وایە، ئەو جۆرە کارانە دەچنە چوارچێوەى هەوڵەکان بۆ تێکدانى سەقامگیرى و ئاسایشى کۆمارى عێراقى برا و هاوڕێ.