گه‌ڕان

Shadow Shadow
سیاسه‌تی

ڕوونکردنەوەیەک لە ئاراس شێخ جەنگییەوە

2021.05.09 - 15:16
App store icon Play store icon Play store icon
ڕوونکردنەوەیەک لە ئاراس شێخ جەنگییەوە

ناس کورد-

ئاراس شێخ جەنگی، ئەندامی سەرکردایەتی یەکێتی ڕەتی دەکاتەوە کە ڕوونکردنەوەی لەسەر ڕاپۆرتەکەى یاهۆ نیوز هەبوو بێت لەبارەى وردەکاری ڕووداوی کوشتنی قاسم سولەیمانی و "بەشداری دژە تیرۆری یەکێتی" لە کردەکەدا.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکی نوسینگەی ئاراس شێخ جەنگیدا هاتووە کە کۆپییەکی دەستی "ناس کورد" کەوتووە دەڵێت، "پەیجێکی ساختە لە تۆڕی کۆمەڵایەتی فەیسبووک کە سەرنجێکی لەسەر ڕووداوی شەهیدکردنی حاجی قاسم سلێمانی بە ناوی بەڕێز ئاراس شێخ جەنگی ئەندامی سەرکردایەتی یەکێتیی نیشتیمانیی کوردستانەوە بڵاوکردۆتەوە کە دوورە لە راستیەوە و بەڕێزیان هیچ جۆرە نوسین و سەرنجێکیان لەو بارەوەیەوە بڵاونەکردۆتەوە."


دەشڵێت، "ئاشکرایە کە ئەو لایەنەی کە زانیاری هەڵە و چەواشەکاری لە دژی دژەتێرۆر داوە بە میدیا جیهانییەکان و هەوڵی شێواندنی راستیەکان دەدات، هەمان ئەو لایەنەیە کە ئەو پەیج و ئەکاونتە ساختانەی دروستکردوە و لێدوان و نوسین بە ناوی بەرێز ئاراس شێخ جەنگی بڵاو دەکاتەوە."

 

ماڵپەڕی یاهۆ نیوزی ئەمریکی ڕاپۆرتێکی نوێی لەبارەى کوژرانی قاسم سولەیمانی، فەرماندەی سوپای قودسی ئێرانی و ئەبومەهدی موهەندیس، جێگری دەستەی حەشدی شەعبی بڵاوکردووەتەوە کە شەوی 3ی کانونی دووەمی 2020 لە فڕۆکەخانەى بەغدا کوژران.  

 

زیاتر بخوێنەوە: دەقی کوردی ڕاپۆرتی وردەکاری کوشتنی سولەیمانی و ’’بەشداری دژە تیرۆری کوردستان’’

 

یاهۆ نیوز لە ڕاپۆرتەکەیدا سودی لە چاوپێکەوتنی 15 بەرپرسی باڵای سەربازی و ئیداری و هەواڵگریی ئێستا و پێشووی ئەمریکا بینیوە کە تێیدا ڕۆڵی دەزگای دژە تیرۆری کوردستان (دژە تیرۆری یەکێتی) لە چاودێریکردن و کوشتنی ناوبراو ئاشکرا دەکات، هەرچەندە دژە تیرۆر ڕەتی دەکاتەوە.  

  

دەقی کوردیی ڕاپۆرتەکە بە ناوی ("پیلانگێڕی سەختە".. وردەکاری پلانی نهێنی ئیدارەی ترەمپ بۆ کوشتنی قاسم سولەیمانی) بخوێنەوە کە "ناس کورد" وەریگێڕاوە؛