گه‌ڕان

Shadow Shadow
چیرۆكه‌كانمان

کێشەی سیستمی کامێراکانی هاتووچۆی هەولێر چییە؟

هاتووچۆی هەولێر بۆ ناس کورد: هاک نەکراوین

2019.03.09 - 18:47
هاتووچۆی هەولێر بۆ ناس کورد: هاک نەکراوین

 

 

 

 

ناس کورد- هەڤاڵ فەتاح

 

بەڕێوەبەرایەتی هاتووچۆی هەولێر ڕەتی دەکاتەوە کامێراکانی هاتووچۆی ئەو شارە هاککرابێت و دەڵێت ئەوەی ڕوویداوە تەنها پچڕانی تەزووی کارەبا بووە لە کاتی نوێکردنەوەی سیستەمەکەیاندا.

ئەمڕۆ دەنگۆی هاککردنی سیستمی کامێراکانی هاتووچۆی هەولێر بڵاوبوویەوە، بەشێوەیەک کە گوایە سەرجەم سزا داراییەکانی شۆفێران سڕاونەتەوە، بەڵام هاتووچۆی هەولێر ئەو هەواڵە ڕەتدەکاتەوە.

 

موقەدەم فازڵ حاجی بەرپرسی ڕاگەیاندنی بەڕێوەبەرایەتی هاتووچۆی هەولیر تایبەت  بەناس كورد-ی ڕاگەیاند: "ئەو زانیاریانەی بڵاوبوەتەوە لە هەندێک ماڵپەڕی هەواڵ و تۆڕە كۆمەڵایەتییەكان سەبارەت بە هاككردنی سیستەمی سزاكانی بەڕێوەبەرایەتی هاتووچۆی پارێزگای هەولێڕ دوورە لەڕاستیەوە".

 

لەباری بوونی ئەو کێشەیەی لەئێستادا لە سیستمەکەیاندا هەیە، فازڵ حاجی وتی: "لە كاتی ئەپدەیتکردنی سیستەمەكە تەزوی كارەبا پچڕاوە، ئەوەش بووەتە هۆی درووستبوونی كێشەی تەكنیكی، بۆیە ماوەی چەند ڕۆژێكە سیستمەکە لە كاركەوتووە".

 

وتەبێژەکەی هاتووچی هەولێر دوپاتیدەکاتەوە کە هەموو زانیارییەكانی ناو سیستەمەكەیان پارێزراون و هیچ  زانیارییەك لەناونەچووە و سەیڤ كراون،  وتیشی: "كامێرەكانی چاودێری هاتووچۆ بە شێوەیەکی ڕاستەوخۆ نەبەسراونەتەوە بەسیستەمەكە، بەڵکوئەو زانیاریانەی كامێراكان تۆماریان دەكات ڕۆژانە بە فلاش میمۆری دگوازرێنەوە بۆ ناو سیستەمەكە" .